Deleng sumberé Kiyamat (Islam)

[[File:Israfel_blows_the_trumpet_of_Sur.jpg|thumb|Lukisan kang nggambarake Malaékat Israfil nyebul [[sangkakala]] nalika tumekane dina kiyamat]]
{{Islam}}
'''Dina Kiyamat''' ([[Basa Arab|Arab]]: <font size=4> يوم القيامة‎</font>) yaiku dina nalikane kabeh samubarang ing donya lan kabeh jagat raya bakal ajur lan sawise iku manungsa ditangekake saka alam kubur menyang alam akhirat kanggo nampa pangadilan saka [[Allah]].

Iman marang dina kiyamat tegese kita yakin kanthi temen-temen yen ing sawijining dina mengko jagat raya lan isine iki bakal purna/rampung. Nalika iku manungsa mesthi bakal ditangekake saka alam kubure tumuju alam akhirat kanggo nanggeljawab kabeh pakaryane lan nampa pangadilan saka Allah.

Percaya lan yakin dina kiyamat kalebu sendi-sendi kaimanan kang banget penting ing akidah [[Islam]]. Amarga iku, wong kang ora percaya dina kiyamat kalebu wong kang ora iman. Allah nerangake mesthi anane dina kiyamat ing [[Kuran]]:

وَأَنَّ ٱ لسَّاعَةَءَاتِيَةٌلاَّرَيْبَ فِيه‍َاوَأَنَّ ٱللَّهَ يَبْعَثُ مَن فِى ٱلْقُبُورِ

Tegese:

''"Lan satemene dina kiyamat iku mesthi bakal tumeka, ora ana mangu-mangu kanggo iku, lan yen satemene Allah bakal nangekake kabeh wong ing njero kubur."'' ([[Surat Al Hajj|Q.S.al-Hajj]]:7)

Panguripan kang langgeng yaiku panguripan ing akhirat. Wong kang iman yakin benere Islam saengga panguripan ing akhirat dadi tujuan utamane. Imane marang panguripan langgeng ing akhirat kabukten dening taate marang ajaran Islam amarga panguripan donya iki mung sauntara.

==Jinising Kiyamat==

Dina pungkasan utawa kiyamat dhasare dumadi saka 2 jinis, yaiku kiyamat sughra lan kiyamat kubra.

'''1.Kiyamat Sughra (Kiyamat Cilik)'''

Kiyamat Sughra tegese kiyamat cilik, yaiku prastawa matine sawijining wong lan rusake sawetara alam kayata [[gunung njebluk]], [[lemah longsor]], [[banjir]], lan [[lindhu]]. Prastawa kasebut minangka pangeling-eling kita supaya tansah jaga-jaga.

Anane kiyamat sughra bakal ngeterake rasa sadar ing dhiri kita yen kabeh gaweyane Allah ora ana kang langgeng. Kabeh bakal rusak. Amarga iku, saben manungsa bakal ngadhepi [[pati]]. Allah Swt ngendika:

...كُلُّ نَفْسٍ ذَآءِقَةُ ٱلْمَوْتِ

Tegese:

''"Saben-saben jiwa bakal ngrasakake pati..."''([[Surat Ali Imran|Q.S.Ali Imran]]:185)

'''2.Kiyamat Kubra (Kiyamat Gedhe)'''

Pangertene kiyamat kubra yaiku kedadeyan ajure jagat raya kabeh kalebu kang ana ing njerone, kayata [[manungsa]], [[Sato kéwan|sato kewan]], [[tetuwuhan]], lan tandha diwiwiti panguripan ing akhirat sarta manungsa bakal nanggeljawabake kabeh amal pakaryane kang tau dilakoni nalika urip.

==Lakuning Panguripan ing Dina Kiyamat==

'''Yaumul Barzah'''

Miturut ngelmu basa, barzah tegese 'wates utawa tembok'. Yaumul barzah yaiku dina nalika manungsa ngenteni ing alam kubur sawise tekaning pati.

'''Yaumul Ba'ats'''

Yaumul ba'ats yaiku dina tangine para makhluk saka kubure, wiwit manungsa kang wiwitan nganti kang pungkasané urip.

'''Yaumul Hasyr (Dina Manungsa Padha Kumpul)'''

Yaumul hasyr yaiku dina nalika kabeh manungsa kang wis tangi saka kubure diklumpukake menyang sawijining papan kang amba banget aran [[Padang Mahsyar|Padang Mahsyar]].

'''Yaumul Hisab (Dina Petungan)'''

Yaumul hisab yaiku dina nalika amal pakaryane para manungsa sasuwene urip ing donya dihisab, diitung, lan ditimbang.

'''Yaumul Jaza' (Dina Piwalesan)'''

Yaumul jaza' yaiku dina nalika Gusti Allah Swt paring kaputusan marang manungsa.

'''Swarga lan Neraka'''

[[Jannah|Swarga]] yaiku papan kang kebak dening maneka warna kanikmatan, kang disedhiyakake Gusti Allah kanggo wong-wong kang padha [[takwa]], dene [[neraka]] yaiku papan kang kebak maneka warna panyiksan, kang disedhiyakake Gusti Allah Swt kanggo wong-wong kang duraka.

== Ètimologi ==
Tembung ''kiyamat'' asring diartèkaké dina nalika donya remuk. Ing [[basa Arab]], "Yaumul Qiyamah" iku arti sajatiné dina nalika manungsa padha tangi. Tembung kang padha karo "remuking donya" iku "''As-Saa'ah''".

Dirunut saka basa, '''Yaum al-Qiyamah''' karakit saka 3 tembung, yaiku:
# Yaum (<font size=4>يوم‎</font>) = Dina, mangsa
# Qiyam (<font size=4>قيام‎</font>) = Ngadeg, tangi, madeg
# 'Ummah (<font size=4>أمة</font>) = Umat, bangsa

== Deleng uga ==
* [[Malaékat]]
* [[Kiyamat]]
* [[Imam Mahdi]]

== Catatan kaki ==
{{Reflist}}

==Sumber==
* Sri Wartini, Mardiyana, Agus Susanto.2022.''Buku Pendamping Pendidikan Agama Islam Dan Budi Pekerti SMP/Mts Kelas IX,'' Bantul, Media Karya Putra.

== Pranala njaba ==
{{Refbegin}}
* [http://www.inter-islam.org/A-Z/J/J.htm#JudgementDay Inter-Islam > A-Z > JudgementDay]
* [http://www.al-islam.com/maknazlatin/Hits.asp?l=eng&p=0-0-1-0-0-4-&subjno=6&pathCount=5 Judgment day in the Qur'ân and hadith] {{Webarchive|url=https://web.archive.org/web/20080121212511/http://www.al-islam.com/maknazlatin/Hits.asp?l=eng&p=0-0-1-0-0-4-&subjno=6&pathCount=5 |date=2008-01-21 }}
* [http://www.islambasics.com/view.php?bkID=69&chapter=13 Islam Basics]
* [http://tajweedulquran.com/the-day-of-judgement.asp Tajweed ul Qur'an] {{Webarchive|url=https://web.archive.org/web/20080124062814/http://tajweedulquran.com/the-day-of-judgement.asp |date=2008-01-24 }}
* [http://www.al-qiyamah.org al-Qiyâmah] {{Webarchive|url=https://web.archive.org/web/20230830232142/https://al-qiyamah.org/ |date=2023-08-30 }}
* [http://www.islaam.com/Article.aspx?id=402 Signs of the Appearance of the dajjal and His Destruction] {{Webarchive|url=https://web.archive.org/web/20080303204044/http://www.islaam.com/Article.aspx?id=402 |date=2008-03-03 }}
* [http://www.islam.tc/prophecies/ Signs of Qiyamah] {{Webarchive|url=https://web.archive.org/web/20080227031938/http://www.islam.tc/prophecies/ |date=2008-02-27 }}
* [http://www.usc.edu/dept/MSA/fundamentals/pillars/signsofthelasthour.html Signs of the Last Hour] {{Webarchive|url=https://web.archive.org/web/20081128054642/http://www.usc.edu/dept/MSA/fundamentals/pillars/signsofthelasthour.html |date=2008-11-28 }}
* [http://www.islamfrominside.com/Pages/Tafsir/Tafsir%286-73%29.html The two blowings of the Trumpet of Light which ushers in the period of Judgment]
* [http://www.thelastday.eu Signs of the Last Day from Hadith and holy Quran] {{Webarchive|url=https://web.archive.org/web/20170919130532/http://thelastday.eu/ |date=2017-09-19 }}
{{Refend}}

[[Kategori:Istilah Islam]]
[[Kategori:Aqidah]]
[[Kategori:Eskatologi Islam]]


{{Islam-stub}}

[[ar:يوم القيامة (إسلام)]]
[[en:Islamic view of the Last Judgment]]
[[id:Yaumul Qiyamah]]