Kasèt

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Kasèt mèrek Svema ("Свема", USSR) Tipe МК-60-1

Kasèt utawa resminé diarani Compact Audio Cassette iku sawijining format rekamana analog kanggo ngrekam swara lan mainaké rekaman swara. Format iki dirilis déning Philips ing taun 1963, sawisé dirancang ing Hasselt, Bèlgia. Kasèt iku didol ing rong wujud, minangka kasèt sing wis isi rekaman lan kasèt kosong. Rong wujud iki loro-loroné bisa diwolak-walik.

Tèkhnologi rekaman kasèt iku mula bukané kanggo kaperlon mesin diktat, nanging sawisé fidèlitas dibenakaké, kwalitasé dadi sangsaya apik lan ngganti wujud rekaman gulungan pita liyané.

Saliyané kanggo ngrekam swara utawa musik, kasèt uga ditrapaké kanggo ngrekam data komputer ing dasawarsa 1970-an lan 1980-an.