Deleng sumberé Dinten Pamuji Sukur

{{artikel ing krama}}
[[Gambar:The_First_Thanksgiving_Jean_Louis_Gerome_Ferris.png|thumb|Pahargyan Dinten Pamuji Sukur utawi ''Thanksgiving Day'' ingkang sepisanan.]]
'''Dinten Pamuji Sukur''' ([[basa Inggris]]: '''''Thanksgiving Day''''') inggih punika satunggalipun dinten prèi ingkang wonten ing nagari [[Amérika Sarékat]] lan [[Kanada]], minangka tandha sukur ing pungkasanipun mangsa panén.<ref name="internet2"/> Dinten Pamuji Sukur dados dinten prèi resmi ing Amérika Sarékat ingkang dipunwontenaken dinten [[Kemis]] pungkasan ing sasi [[November|Nopémber]].<ref name="buku1"/> Ing Kanada, ''Thanksgiving Day'' dipunwontenaken ing dinten [[Senin]] kaping kalih ing sasi [[Oktober]].<ref name="internet2"/>

== Dinten Pamuji Sukur ing Amérika Sarékat ==
[[Gambar:Macys-parade-1979.jpg|thumb|Pawè ''Thanksgiving Day''.]]
Ing Amérika Sarékat wonten tradhisi dhahar ing wayah dalu kaliyan kulawarga, mitra, lan sanak kadang.<ref name="internet1"/> [[Kalkun]] kalebet dhaharan ingkang utami, saéngga ''Thanksgiving Day'' asring sinebat ''Dinten Kalkun''.<ref name="internet1"/> Kalkun limrahipun dipundhahar kanthi [[saus kranberi]] lan dhaharan sanèsipun kados [[kenthang]] [[puré|puree]], [[jagung]] godhog, lan sanès-sanèsipun.<ref name="internet1"/> Wekdal dhahar sesarengan ing ''Thanksgiving Day'' tiyang-tiyang punika sami wawan rembag babagan kasaenan.<ref name="internet1"/> ''Thanksgiving Day'' dipundadosaken dinten prèi nasional Amérika Sarékat minangka tandha pamuji sukur dhumateng Gusti.<ref name="internet1">[http://showcase.netins.net/web/creative/lincoln/speeches/thanks.htm Proclamation of Thanksgiving, Washington, D.C. October 3, 1863] dipunundhuh tanggal 23 Juli 2011)</ref>

== Dinten Pamuji Sukur ing Kanada ==
Dinten Pamuji Sukur utawi ''Thanksgiving Day'' dipunawontenaken dinten [[Senin]] kaping kalih ing wulan [[Oktober]].<ref name="internet2"/> Ing Amérika Sarékat, dinten kasebat minangka [[Dinten Colombus]] lan kalebet dinten prèi resmi.<ref name="internet2"/> Pahargyan ''Thanksgiving Day'' ing Kanada dipunawontenaken ngantos tigang dinten.<ref name="internet2"/> Wonten ing sawatawis [[provinsi]], pahargyan punika wonten ingkang dipunlaksanakaken ngantos sekawan dinten, saking [[Jemuwah]] ngantos [[Senin]].<ref name="internet2"/> Dinten Pamuji Sukur namung dipunawontenaken déning kulawarga ing [[provinsi]] [[Kanada]] ingkang ngagem [[basa Inggris]], lan boten dipunlaksanakaken déning katurunan [[Prancis]].<ref name="internet2"/>

== Sajarah ==
=== Sajarah Dinten Pamuji Sukur ing Amérika Sarékat ===
Tradhisi mulyakaken ''Thanksgiving'' kanthi bojana andrawina (dhahar sesarengan) dipunwiwiti ing Amérika Sarékat taun [[1621]].<ref name="internet1"/><ref name="internet4">[http://www.timeanddate.com/holidays/us/thanksgiving-day ''Thanksgiving Day in United States''] dipunundhuh tanggal 25 Juli 2011</ref> Kaum [[pilgrim]] ingkang manggèn ing [[Plymouth, Massachusetts]] ngawontenaken sukuran kanthi dhahar sesarengan kaliyan tiyang asli Amérika saking suku [[Wampanoag]].<ref name="internet1"/> Trandhisi mulyakaken ''Thanksgiving Day'' dipunlaksanakaken ngantos sapunika kanthi dhaharan ingkang utami awujud daging [[kalkun]].<ref name="internet1"/>

[[Gambar:RoastTurkey.jpg|thumb|left|Daging Kalkun.]]

=== Sajarah Dinten Pamuji Sukur ing Kanada ===
Sajarah ''Thanksgiving Day'' ing Kanada dipunwiwiti satunggalipun ''penjelajah'' saking [[Inggris]] [[Martin Frobisher]]. Taun [[1578]], Martin Frobisher ngawontenaken adicara pengetan ing wewengkon ingkang sapunika dipunsebat [[Newfoundland and Labrador]].<ref name="internet2"/> Ancasipun minangka tandha pamuji sukur amargi sampun slamet saking ''penjelajahan'' ingkang langkung dangu.<ref name="internet2"/> Adicara ''Thanksgiving Day'' ingkang dipunpandhegani déning Martin Frobisher punika dados ''Thanksgiving Day'' ingkang sepisanan ing Kanada, ugi ing wewengkon [[Amérika Lèr]].<ref name="internet2">[http://www.canada.com/holidays/thanksgiving2005/story.html?id=74257801-d907-46e0-9bbd-c386515c6fe5 ''Canada's first Thanksgiving: Frobisher set stage for our celebrations in different spirit than U.S.''] dipunundhuh tanggal 23 Juli 2011)</ref>
Wonten ing taun [[1879]], [[parlemen]] [[Kanada]] netepaken bilih tanggal [[6 November|6 Nopèmber]] minangka dinten ''Thanksgiving Day'' lan dados dinten préi [[nasional]] ing Kanada.<ref name="internet3"/> Sasampunipun punika, mahargya ''Thanksgiving Day'' asring gumantos (boten namung tanggal 6 Nopèmber).<ref name="internet3"/> Pahargyan punika asring dipunlaksanakaken ing dinten [[Senin]] [[minggu]] kaping tiga ing sasi [[Oktober]].<ref name="internet3"/> Sasampunipun [[Perang Donya I]], ''[[Armistice Day]]'' lan ''Thanksgiving Day'' sami dipunlaksanakaken ing dinten Senin watawis tanggal [[11 November|11 Nopèmber]].<ref name="internet3"/> Sadasa taun salajengipun ing taun [[1931]], kekalihipun dipunpisahaken lan Armistice Day dipun-gantos namanipun dados ''[[Remembrance Day]]''.<ref name="internet3"/>
Nalika tanggal [[31 Januari]] [[1957]], parlemen Kanada netepaken:
:"Dinten ''Thanksgiving'' dipunlaksanakaken dhumateng Gusti ingkang Mahakuwaos ingkang paring berkah dhumateng nagari Kanada kanthi panén ingkang kathah.. badhé dipunlaksanakaken dinten Senin minggu kaping kalih ing sasi Oktober."<ref name="internet3">[https://web.archive.org/web/20040923024842/http://www.theglobeandmail.com/series/thanksgiving/holiday.html ''Thanksgiving''] dipunundhuh tanggal 25 Juli 2011)</ref>

=== Dongéng wontenipun Dinten Pamuji Sukur ===
Rumiyin méh sadaya tiyang ing [[Amérika Sarékat]] lan [[Kanada]] gesangipun sami among tani.<ref name="buku1"/> Saben bibar panén, ing dinten dinten Kémis pungkasan sasi Nopémber sami ngunjukaken panuwun dhumateng Gusti sarana suka parisuka.<ref name="buku1"/> Wonten ingkang namung climén sabrayat kémawon, wonten ugi ingkang ageng-agengan bojana andrawina mawi ngulemi mitra, sanak kadang, kaliyan tanggi tepalih.<ref name="buku1"/> Temtunipun gumantung kaliyan kakiyatanipun piyambak-piyambak.<ref name="buku1"/> Saya kathah panénipun, padatan ugi saya ageng anggénipun ngunjukaken panuwun.<ref name="buku1"/>

Mulyakaken ''Thanksgiving Day'' makaten sampun rumesep ing balung sungsumipun para among tani sabrayatipun.<ref name="buku1"/> Tandha yektinipun anak putu, buyut canggah ingkang sami dedunung ing panggénan sanès utawi para pados sandhang tedha ing manca, ing ''Thanksgiving Day'' pendhak taun temtu wangsul tuwi.<ref name="buku1"/> Wigatosipun boten sanès ngempal ing dhusun asalipun saperlu sesarengan mulyakaken, mahargya ''Thanksgiving Day''.<ref name="buku1"/>

Dangu-dangunipun boten ngemungaken para among tani ingkang kémawon ingkang sami mulyakaken dinten punika, nanging sadaya tiyang [[Amérika Sarékat]] lan [[Kanada]] ageng alit, ném sepuh, mulya papa, sami mahargya lan mulyakaken dinten wau.<ref name="buku1"/> Kantor-kantor tutup, sekolahan préi, toko-toko tutup, dalah pabrik-pabrik kéndel boten nyambut damel.<ref name="buku1"/> Para narapraja, majikan, sami sareng-sareng mahargya ''Thanksgiving Day'' sarana kempal asuka-suka.<ref name="buku1"/> Ingkang sami andon lelana ing manca praja merlokaken mantuk ngempal kulawarga kadang mitra saperlu sesarengan mahargya ''Thanksgiving Day''.<ref name="buku1">{{jv}}[Yatmana, Sudi & Bambang Eko Istiyono. 2006. Padha Seneng Basa Jawa. Jakarta:Yudhistira]</ref>

== Cathetan suku ==
{{reflist}}

== Pranala njawi ==
{{commons|Thanksgiving}}
* [http://www.csmonitor.com/2002/1127/p13s02-lign.html The First Thanksgiving] Pahargyan Thanksgiving Day ingkang sepisanan
* [http://www.pch.gc.ca/progs/cpsc-ccsp/jfa-ha/graces_e.cfm Dhaftar tanggal pahargyan Thanksgiving Day ing Kanada]
* [http://thanksgiving.indiaserver.com/around-the-world.html Dinten ''Thanksgiving Day'' ing donya] {{Webarchive|url=https://web.archive.org/web/20080206063105/http://thanksgiving.indiaserver.com/around-the-world.html |date=2008-02-06 }}

[[Kategori:Artikel mawa basa krama]]
[[Kategori:Dinten Ageng ing Amérika Sarékat]]
[[Kategori:Dinten Ageng ing Kanada]]