ꦎꦩꦃꦔꦶꦧꦢꦃ
꧋ꦎꦩꦃꦔꦶꦧꦢꦃꦲꦸꦠꦮꦥꦥꦤ꧀ꦔꦶꦧꦢꦃꦲꦶꦏꦸꦥꦁꦒꦺꦴꦤꦤ꧀ꦱꦸꦕꦶꦏꦁꦒꦺꦴꦤꦶꦤ꧀ꦝꦏꦏꦺꦫꦶꦠꦸꦮꦭ꧀ꦔꦶꦧꦢꦃꦄꦒꦩ꧉ꦥꦁꦒꦺꦴꦤꦤ꧀ꦱꦶꦁꦢꦶꦲꦁꦒꦼꦥ꧀ꦱꦸꦕꦶꦆꦏꦶꦮꦶꦱ꧀ꦲꦤꦮꦶꦮꦶꦠ꧀ꦗꦩꦤ꧀ꦥꦿꦱꦗꦫꦃ꧉ꦲꦶꦱ꧀ꦠꦶꦭꦃꦏꦧꦸꦪꦸꦠꦤ꧀ꦲꦸꦠꦮꦩꦤ꧀ꦢꦭꦲꦶꦁꦠ꧀ꦭꦠꦃꦱꦸꦤ꧀ꦝꦆꦏꦸꦮꦶꦱ꧀ꦲꦤꦮꦶꦮꦶꦠ꧀ꦗꦩꦤ꧀ꦏꦿꦠꦺꦴꦤ꧀ꦠꦫꦸꦩꦤꦒꦫꦭꦤ꧀ꦢꦶꦭꦚ꧀ꦗꦸꦠꦏꦺꦤ꧀ꦲꦶꦁꦏꦿꦠꦺꦴꦤ꧀ꦏꦼꦤ꧀ꦝꦤ꧀ꦲꦸꦒꦏꦿꦠꦺꦴꦤ꧀ꦒꦭꦸꦃ꧉
꧋ꦧꦸꦢꦪꦲꦶꦏꦶꦢꦶꦭꦚ꧀ꦗꦸꦠ꧀ꦮꦼꦏ꧀ꦠꦸꦄꦒꦩꦲꦶꦤ꧀ꦝꦸꦭꦤ꧀ꦧꦸꦢꦭꦸꦩꦺꦧꦸꦲꦶꦁꦤꦸꦱꦤ꧀ꦠꦫꦠꦼꦫꦸꦱ꧀ꦲꦸꦒꦄꦒꦩꦏꦿꦶꦱ꧀ꦠꦼꦤ꧀ꦭꦤ꧀ꦆꦱ꧀ꦭꦩ꧀꧉
ꦗꦶꦤꦶꦱ꧀
[besut | besut sumber]ꦩꦱ꧀ꦗꦶꦢ꧀
[besut | besut sumber]꧋ꦩꦱ꧀ꦗꦶꦣ꧀ꦆꦏꦸꦎꦩꦃꦔꦶꦧꦣꦃꦏꦁꦒꦺꦴꦈꦩꦠ꧀ꦥꦼꦔꦤꦸꦠ꧀ꦄꦒꦩꦆꦱ꧀ꦭꦩ꧀꧉ꦆꦁꦭꦭꦣꦤ꧀ꦭꦭꦣꦤ꧀ꦠꦶꦤꦼꦤ꧀ꦠꦸꦗꦺꦤꦺꦁꦎꦩꦃꦔꦶꦧꦣꦃꦆꦏꦶꦔꦁꦒꦺꦴꦗꦺꦤꦺꦁꦭꦶꦪꦤꦶꦁꦤ꧀ꦝꦸꦮꦺꦥ꦳ꦸꦁꦱꦶꦥꦣ꧈ꦄꦤꦭꦁꦒꦂꦈꦒꦄꦤꦩꦸꦱ꧀ꦲꦭ꧀ꦭ꧉ꦠꦼꦩ꧀ꦧꦸꦁꦩꦱ꧀ꦗꦶꦣ꧀ꦆꦏꦸꦱꦏꦧꦱꦄꦫꦧ꧀ꦪꦆꦏꦸ"ꦩꦱ꧀ꦗꦣ꧀"ꦱꦶꦁꦠꦼꦒꦼꦱꦺꦥꦁꦒꦺꦴꦤꦤ꧀ꦏꦁꦒꦺꦴꦱꦸꦗꦸꦣ꧀꧉ꦎꦩꦃꦎꦩꦃꦆꦁꦆꦤ꧀ꦝꦺꦴꦤꦺꦱꦶꦪꦈꦩꦸꦩ꧀ꦤ꧀ꦝꦸꦮꦺꦫꦸꦮꦁꦩꦶꦫꦸꦁꦒꦤ꧀ꦱꦶꦁꦧꦶꦪꦱꦏꦁꦒꦶꦔꦶꦧꦣꦃꦈꦠꦮꦏꦣꦁꦄꦤꦱꦶꦗꦶꦫꦸꦮꦁꦠꦶꦤꦼꦤ꧀ꦠꦸꦱꦶꦁꦏꦼꦉꦥ꧀ꦏꦁꦒꦺꦴꦚ꧀ꦗꦭꦤꦏꦺꦔꦶꦧꦣꦃꦆꦁꦎꦩꦃ꧉
ꦏꦁꦒꦺꦴꦠꦸꦭꦶꦱꦤ꧀ꦭꦸꦮꦶꦃꦒꦩ꧀ꦧ꧀ꦭꦁ꧈ꦥꦶꦂꦱꦤꦶꦩꦱ꧀ꦗꦶꦢ꧀
ꦒꦿꦺꦗ
[besut | besut sumber]꧋ꦒꦿꦼꦗꦆꦏꦸꦎꦩꦃꦔꦶꦧꦣꦃꦏꦁꦒꦺꦴꦈꦩꦠ꧀ꦏꦛꦺꦴꦭꦶꦏ꧀ꦭꦤ꧀ꦥꦿꦺꦴꦠꦺꦱ꧀ꦠꦤ꧀꧉ꦪꦱꦤ꧀ꦒꦿꦼꦗꦱꦶꦁꦥꦭꦶꦁꦩꦼꦒꦃꦆꦁꦆꦤ꧀ꦝꦺꦴꦤꦺꦱꦶꦪꦪꦆꦏꦸꦒꦿꦼꦗꦏꦠꦺꦣꦿꦭ꧀ꦆꦁꦭꦥꦔꦤ꧀ꦧꦤ꧀ꦠꦺꦁ꧈ꦗꦏꦂꦠꦈꦒꦒꦿꦼꦗꦆꦩ꧀ꦩꦤꦸꦮꦺꦭ꧀ꦆꦁꦒꦩ꧀ꦧꦶꦂꦗꦏꦂꦠꦥꦸꦱꦠ꧀꧈
ꦏꦁꦒꦺꦴꦠꦸꦭꦶꦱꦤ꧀ꦭꦸꦮꦶꦃꦒꦩ꧀ꦧ꧀ꦭꦁ꧈ꦥꦶꦂꦱꦤꦶꦒꦿꦺꦗ
ꦥꦸꦫ
[besut | besut sumber]꧋ꦥꦸꦫꦆꦏꦸꦎꦩꦃꦔꦶꦧꦣꦃꦏꦁꦒꦺꦴꦈꦩꦠ꧀ꦲꦶꦤ꧀ꦝꦸ꧉ꦈꦩꦠ꧀ꦲꦶꦤ꧀ꦝꦸꦆꦁꦆꦤ꧀ꦝꦺꦴꦤꦺꦱꦶꦪꦕꦕꦲꦺꦄꦏꦺꦃꦆꦁꦥꦸꦭꦺꦴꦧꦭꦶ꧉
ꦏꦁꦒꦺꦴꦠꦸꦭꦶꦱꦤ꧀ꦭꦸꦮꦶꦃꦒꦩ꧀ꦧ꧀ꦭꦁ꧈ꦥꦶꦂꦱꦤꦶꦥꦸꦫ
ꦮꦶꦪꦫ
[besut | besut sumber]꧋ꦮꦶꦪꦫꦈꦠꦮꦮꦶꦪꦫꦆꦏꦸꦎꦩꦃꦔꦶꦧꦣꦃꦏꦁꦒꦺꦴꦈꦩꦠ꧀ꦧꦸꦣ꧉ꦱꦼꦣꦸꦫꦸꦁꦗꦩꦤ꧀ꦫꦺꦥ꦳ꦺꦴꦂꦩꦱꦶꦩꦏ꧀ꦤꦎꦩꦃꦔꦶꦧꦣꦃꦆꦏꦶꦣꦶꦕꦩ꧀ꦥꦸꦫꦣꦸꦏ꧀ꦏꦫꦺꦴꦏ꧀ꦭꦺꦤ꧀ꦛꦺꦁ꧈ꦆꦏꦸꦄꦩꦂꦒꦄꦤꦩꦱꦭꦃꦩꦱꦭꦃꦥꦺꦴꦭꦶꦠꦶꦱ꧀ꦱꦶꦁꦣꦶꦱ꧀ꦏꦿꦶꦩꦶꦤꦠꦶꦥ꦳꧀ꦤꦶꦁꦱꦻꦏꦶꦩꦱꦭꦃꦣꦶꦱ꧀ꦏꦿꦶꦩꦶꦤꦠꦶꦥ꦳꧀ꦆꦏꦸꦮꦶꦱ꧀ꦝꦶꦲꦥꦸꦱ꧀꧈
ꦏꦁꦒꦺꦴꦠꦸꦭꦶꦱꦤ꧀ꦭꦸꦮꦶꦃꦒꦩ꧀ꦧ꧀ꦭꦁ꧈ꦥꦶꦂꦱꦤꦶꦮꦶꦪꦫ
ꦏ꧀ꦭꦺꦤ꧀ꦛꦺꦁ
[besut | besut sumber]꧋ꦏ꧀ꦭꦺꦤ꧀ꦛꦺꦁꦆꦏꦸꦎꦩꦃꦔꦶꦧꦣꦃꦏꦁꦒꦺꦴꦈꦩꦠ꧀ꦏꦺꦴꦁꦲꦸꦕꦸꦈꦠꦮꦏꦺꦴꦤ꧀ꦥ꦳ꦸꦱꦶꦪꦤꦶꦱ꧀ꦩꦺ꧉ꦪꦱꦤ꧀ꦏ꧀ꦭꦺꦤ꧀ꦛꦺꦁꦭꦸꦩꦿꦲꦺꦔꦁꦒꦺꦴꦎꦂꦤꦩꦺꦤ꧀ꦎꦂꦤꦩꦺꦤ꧀ꦕꦶꦤ꧀ꦠꦺꦤ꧀ꦭꦤ꧀ꦝꦶꦣꦺꦴꦩꦶꦤꦱꦶꦮꦂꦤꦄꦧꦁ꧉
ꦏꦁꦒꦺꦴꦠꦸꦭꦶꦱꦤ꧀ꦭꦸꦮꦶꦃꦒꦩ꧀ꦧ꧀ꦭꦁ꧈ꦥꦶꦂꦱꦤꦶꦏ꧀ꦭꦺꦤ꧀ꦛꦺꦁ