Zoroaster

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Princèn (detil) lukisan The School of Athens karya Raphael, 1509, nuduhaké Zoroaster (sisih kiwa, ngasta 'globe' [bal donya] sing kebak lintang).

Zoroaster (Parsi Modern: زرتشت (Zartosht),Kurdi: Zerdeşt, Gujarati: જરતોશ્ત, Yunani: Ζωροάστρης, (Zoroastres) iku nabi kuna saka Iran kang ngadegaké paham Zoroatrisme, yaiku salah sawijining agama kang ana wiwit rong èwu taun kepungkur. Zoroaster uga ngripta buku Gathas, bagéyan paling tuwa saka Avesta, yaiku tuntunan suci kanggo wong kang ngrasuk Zoroaster (Zarathustra ing Iran kuna).

Zoroaster lair ing Iran tlatah lor taun 628 sadurungé Masèhi. Sawisé diwasa, panjenegané nyebaraké agama anyar kang diripta dhéwé. Wiwitané akèh kang ora sarujuk, ananging rikala umuré ngancik patangpuluhan, piyambaké bisa melut Raja Vishtaspa kang kuwasa ing lor Iran supaya ngrasuk zoroaster. Miturut crita rakyat, Zoroaster urip nganti umur 77 taun lan séda taun 551 sadurungé Masehi.

Téologi Zoroaster iku minangka campuran antarané monotéisme lan dualisme. Miturut Zoroaster mung ana siji Kang dadi Sesembahan yaiku Ahura Mazda (ing Iran modhèrn sinebut Ormudz). Ahura Mazda (Gusti kang wicaksana) ndhawuhaké blaka suta lan kabeneran. Ananging wong kang padha ngrasuk zoroaster uga percaya marang anané dhemit Angra Mainyu (ing istilah Persia modhèrn: Ahriman) kang nuduhaké angkara murka. Kekaroné iku makili watak kang tansah wong-wong uga percaya menawa Ahura Mazda bakal menang ing pungkasané. Kejaba iku uga ana kaprecayan ngenani panguripan sawisé mati.

Nalika Alexander Agung nguwasani Persia, Zoroaster mati suri. Agama iki ngrembaka manèh nalika Persia éntuk kamardikan saka panguwasané Alexander Agung. Ing ngisor panguwasané dhinasti Sasanid (226-651 M) Zoroster dadi agama kang resmi ing Persia.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Zoroaster&oldid=829214"