Watu kambang
Watu kambang (cara Inggris: pumice) ya iku istilah kanggo watu vulkanik kang rupa lava mumpruk lan madhet, kasusun saka piroklastik beling kang mikroveskular. Watu kambang lumrahé dumadi nalikané gunung njeblug, lan manéka warna kaanan ukuran lan atosé. Watu kambang duwé sipat vesiclar kang dhuwur, kanthi ronggangan kang akèh jalaran saka ékspansi gas ing njeroné. Ronggangan-ronggangan kang akèh lan diwatesi déning lapisan kang tipis iki ndadékaké watu kambang duwé bobot jinis kang cilik, nganti bisa <1 lan bisa ngambang ing banyu, mula diarani watu kambang. Sapérangan uga ora bisa ngambang nanging saka struktur lan kahanané tetep kalebu jinisé watu kambang.
Mineral kang kaandhut ing watu kambang antarané feldspar, kuarsa, tridimit, lan kristobalit.
Watu kambang duwé sipat kimia lan fisika antarané: ngandhut oksida SiO2, K2O, MgO, CaO, Al2O3, SO3, Fe2O3, Na2O, TiO2, lan Cl, LOI (Loss of Ignition) 6%, pH 5, bobot jinis 0,8 gr/cm3.[1]
Munfangat
[besut | besut sumber]Watu kambang dimanfangataké kanggo bahan beton ringan, plitur, setip, lan sapituruté. Watu kambang uga bisa digunakaké kanggo kosokan nalika adus, kanggo ngangkat sèl kulit kang wis mati.[2]