Umbul Buta

Umbul Buta.

Umbul Buta ꧌ꦲꦸꦩ꧀ꦧꦸꦭ꧀ꦧꦸꦠ꧍ keprenah ing Dèsa Kedhungan, Kecamatan Pédan, Kabupaten Klathèn, Provinsi Jawa Tengah. Diarani Umbul Buta jalaran ing pérangan talut sing ngupengi umbul ana patung awujud endhas buta. Miturut masarakat ing sakiwa tengené umbul, anané patung buta wis kawit jaman biyèn lan patung iku bisa didelok kanthi cetha rikala banyu umbul wis lekas asat. Déné panganggoné umbul iki dipercaya wiwit jaman rejané pabrik gula Manisharjo sing ora adoh saka umbul.

Anané Umbul Buta iki dadi salah sawijiné wisata umbul sing lekas digarap ana ing wewengkon Klathèn. Awit wis ora digunakaké mula tumpukané lemah wis kandel njalari metuné sumber banyu sing katon sithik. Rikala lekas dibangun umbul iki jeroné kurang luwih 3 meter kanthi jembar 6 meter x 6 meter persegi.

Papan Wisata Umbul ing Kabupaten Klathèn

• Umbul Cakra
• Umbul Jalatundha
• Umbul Kroman
• Umbul Ponggok
• Umbul Mantèn
• Umbul Pluneng Tirtamulyani
• Umbul Besuki

Rujukan

Wisata Klaten. Soloposraya.com. Diakses pada 20 September 2023.

Umbul Buto dan Umbul Tirtamaya Archived 2021-03-08 at the Wayback Machine.. pplh.lppm.uns.ac.id. Diakses pada 20 September 2023.