Rondhé (panganan)
Rondhé iku pangan tradhisional Cina kanthi jeneng asli Tāngyuán (Hanzi=湯圓;mrasajakaké=汤圆; hanyu pinyin=tāngyuán). Jeneng tangyuan minangka kiasan saka rèuni kulawarga (Hanzi=團圓;mrasajakaké=团圆) diwaca tuányuán (mèmper tangyuan). Rondhé digawé saka ketan glepung sing dicampur banyu sethitik lan kawangun kaya bal, digodhok, lan diladèkaké kanthi duduh legi. Gedhéné bisa manéka werna, diwènèhi isi utawa ora.
Wong Cina bisa mangan tangyuan nalika Fèstival Yuanxiao/Fèstival Lampion[1] utawa Festival Dongzhi (Hanzi=冬至;mrasajakaké=冬至; korea=동지;Vietnam=Đông chí; Indonesia=Dina Wedang Rondhé) utawa ing saben wektu dianakaké kumpul kulawarga, umpamané, nalika mantenan.
Sajarah
[besut | besut sumber]Mula Bukané
[besut | besut sumber]Miturut legèndha[2], ing jaman Dinasti Han, ana dhayang kraton kanthi jeneng Yuanxiao. Dhèwèké banget kangen marang wong tuwané sakloron nanging ora bisa ninggalaké kraton, pungkasané dhèwèké terus nangis lan pengin nglalu. Sawijining mantri sing mangertèni bab kasebut janji bakal mitulungi. Apa sing kudu ditindakaké Yuanxiao ya iku nggawé tangyuan saakèhé (kang minangka masakan paling apik sing bisa dhèwèké gawé) minangka kurban kanggo déwa ing tanggal 15 1 sasi Imlek. Yuanxiao klakon nindakaké lan sang kaisar ngrasa marem. Yuanxiao dililani ketemu wong tuwane sakloron . Wiwit wektu iku, ing tanggal 15 sasi 1 tanggalan Imlèk dianakaké Fèstival Yuanxiao utawa Fèstival Lampion.
Miturut cathetan sajarah, tangyuan wis dadi cemilan sing kawentar ing Cina wiwit Dinasti Sung[3].
Rujukan
[besut | besut sumber]- ↑ Wen,, Gong,; Feifei,, Zhao,; Zhaoguo,, Li,. Lifestyle in China (édhisi ka-1st ed). Beijing. ISBN 9787508511023. OCLC 212374132.
{{cite book}}:|edition=has extra text (pitulung)CS1 maint: extra punctuation (link) - ↑ "元宵節的由來與傳説". big5.china.com.cn. Dibukak ing 2018-02-13.
- ↑ "TTNews - Taiwan's Best Travel News Media". en.tw.tranews.com. Diarsip saka sing asli ing 2022-05-28. Dibukak ing 2018-02-13.