Restorasi Kemmu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kemmu.jpg

Restorasi Kemmu (建武の新政 Kemmu no shinsei?, Pamerintah anyar Kemmu) yaiku periode ana ing sejarah Jepang kang kadadéyan antara taun 1333 nganti tekan 1336.[1] Sawise Keshogunan Kamakura kalah, Kaisar Go-Daigo mbalik meneh angone ngekel tahta yaiku nalika taun 1333, lan ngedegake pemerintah anyar kanthi kakuwasaan kang pusate ana ing tangane kaisar.[1] Kemmu yaiku jeneng jaman anyar kang diwiwiti taun 1334.[1] Istilah "Restorasi Kemmu" yaiku saka terjemahan istilah kang padha, Kemmu no Chūkō (建武の中興 Restorasi Kemmu?) kang digunakake ana ing Jepang nganti tekan sadurunge Perang Donya II.[1] Saperangan sejarawan uga nyebutake yen periode iki dadi periode Pemerintah Kemmu (建武政権 Kemmu seiken?).[1] Pamrentahan otokrasi kang dijalanake dening Kaisar Go-Daigo kanthi ora mesti dirasakake dening para samurai.[1] Pemerintah Kaisar Go-Daigo pungkasane ditumbangake Ashikaga Takauji nalika taun 1336 kang uga dadi tanda rampunge periode Restorasi Kemmu.[1] Sadawane pamrentahan ana ing jaman Kamakura, ppamrentahan Keshogunan Kamakura anaing panguwasane keluarga Tokusō saka klan Hōjō, dene kakuwasane ana ing tanganae klan Nagasaki kang njabat Naikanrei (pelayan klan Hōjō).[2] Wiwit taun prastawa invasi Mongolia marang Jepang (1274 lan 1281), situwasi politik ana ing negeri dadi ora stabil.[2] Kelompok kang antipemerintah wiwit ana pergerakan ing provinsi-provinsi.[2] Keshogunan uga wiwit kelangan dukungan dari kalangan samurai.[2] Keshogunan Kamakura netepake sistem Ryōtōtetsuritsu kang netepake kaisar saka garis keturunan Daikaku-ji lan garis keturunan Jimyō-in bisa munggah tahta kanthi geganten.[2] Nalika taun 1318, Kaisar Go-Daigo kang asale saka garis keturunan Daikaku-ji munggah tahta.[2] Kaisar Go-Daigo duwe kepenginan kanggo mbalekake sistem pamrentahan kang kakuwasne langsung ana ing tangan kaisar kaya nalika rezim Engi-Tenryaku yang dijalanake dening Kaisar Murakami lan Kaisar Daigo ana ing jaman Heian.[2]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Restorasi_Kemmu&oldid=832676"