Kaisar Go-Daigo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gekko Emperor Godaigo.jpg

Kaisar Go-Daigo (後醍醐天皇 Godaigo Tennō?) utawa ditulis Kaisar Godaigo (26 November 1288 - 19 September 1339) yaiku Kaisar Jepang ka-96.[1] Jeneng asliné yaiku (imina) Takaharu (尊治?).[1] Adedasar dekrit kaisar taun 1926, Kaisar Go-Daigo ora disebut manèh dadi Kaisar Jepang ka-95, nanging Kaisar Jepang ka-96.[1] Kaisar Go-Daigo dilairake tanggal 26 November 1288 (Shōō taun 1 sasi 11 dina 2) dadi putra nomer loro saka kaisar ka-91 Kaisar Go-Uda saka garis keturunan Daikaku-ji.[1] Dheweke diangkat dadi pangeran nalika taun 1302.[1] Nalika taun 1304 dheweke diangkat dadi Dazai no Sochi (kepala kantor Dazaifu), kang ndadekake diundang Sochinomiya.[2] Ibu kandunge yaiku Fujiwara no Tadako utawane Dantenmon-in, putri anggota majelis tinggi kang jenenge Itsutsuji Tadatsugu kang dadi putri angkat Naidaijin jenenge Kazan-in Moritsugu.[2] Dheweke ditunjuk dadi putra mahkota nalika taun 1308 dening Kaisar Hanazono saka garis keturunan Jimyō-in, lan munggah ana ing tahta nalika umure 31 taun lan dadi Kaisar Go-Daigo nalika taun 1318.[2] Nanging, sadawane telung taun pisanan mangsa pamrentahane, Kaisar Go-Daigo namung dadi kaisar tituler.[2] Bapak kandunge yaiku mantan Kaisar Go-Uda kang njalanake sistem pemerintahan saka njero biara.[2] Ana ing silsilah kekaisaran, Kaisar Go-Daigo dilairake saka garis keturunan utama. Wiwitane,[2] faksi garis keturunan Daikaku-ji kang nobatake Kaisar Go-Daigo dadi pejabat sawetara kaisar.[2] Sawise putra mahkota kang jenenge Pangeran Kuniyoshi (anak almarhum Kaisar Go-Nijō) sansaya gedhe, Kaisar Go-Daigo kudu muduh tahta.[2]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kaisar_Go-Daigo&oldid=832816"