Operasi plastik

Operasi plastik iku operasi kang mligi nyakup prosès restorasi, rekonstruksi, utawa parobahané awak manungsa. Iku mau kalebu operasi kosmetik utawa estetik, operasi restruktif, operasi kraniofasial, operasi tangan, microsurgery, lan perawatan kanggo luka bakar.

Ètimologi

Ing jero istilah operasi plastik, tembung sipat plastik nunjukaké mahat utawa ngganti wujudé, kang dijupuk saka tembung basa Yunani πλαστική (τέχνη), plastikē (tekhnē), artiné “seniné pamodélan” jaringané manungsa kang lembut. Artiné ing basa inggris uwis kabukti kabenerané ing taun 1598. Pratélané tembung "plastik" ing donya bedhah awalé muncul ing taun 1839, ndhisiki tekan pitung puluh taun konsèp "ngerekayasa bahan kagawé saka plasik saka lenga bumi" (dikarang déning Leo Baekeland ing taun 1909).

Sajarah

Gambar vi & vii Edwin Smith Papyrus ing jero Kamar Buku Rahasia, New York Academy of Medicine

Perawatan kanggo dandani irung kang pedhot kanthi operasi plastik mau paling dhisik ing Edwin Smith Papyrus, salinan saka teks mèdis saka Mesir Kuna, sawenèh wujud perawatan bedhah, tekan jaman Old Kingdom saka taun 3000 tekan 2500 sadurungé maséhi. Teknik operasi rekonstruktif dilakuaké ing India ing taun 800 sadurungé maséhi. Sushruta iku sawiji dokter kang sawiji sumbangané wigati banget kanggo donya operasi plastik lan operasi katarak ing abad angka 6 sadurungé maséhi.