Nike (mitologi)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Patung Nike saka Kuil Artemis, Epidauros, pungkasan abad 4 SM.

Nike (kang duwe teges kamenangan) ya iku dèwi kang digandhèngake karo kamenangan lan keberhasilan.[1][2] Bangsa Romawi madakake Dewi Nike karo Dewi Victoria.[2] Miturut sapérangan dongèng kang ana, Dèwi Nike disebutaké minangka putri saka Pallas (Titan) lan Stiks (dèwi kali), sedulur putri saka Kratos, Bia lan Zelos.[2] Dèwi Nike lan dulur-duluré kandhung mèlu ngetutaké Zeus nalika ana perang lawan Titan.[2] Nike sering digambarke duwe sayap ana ing lukisan utawane patung.[2] Saperangan saka dewa-dewi Yunani kuna bisa ngeculake sayap kang ana ing awake.[2] Nike yaiku dewi kekuatan, kecepatan lan kemenangan ana ing paperangan lan ana ing kompetisi.[2] Nike dadi kanca raket saka dewi Athena (dewi kebijaksanaan).[2] Nike yaiku sawijining dewi kang dadi salah siji figur ana ing koin.[2] Sakliyane kuwi figur Nike uga digunakake ana ing piala FIFA pisanan kang dikenal karo jeneng piala Jules Rimet.[2] Wiwit taun 1928, figur nike digunakake kanggo medali Olimpiade musim panas, kang digambarke lagi nyekel godhong palem ana ing tangan tengane lan mahkota kemenangan ana ing tanagan kiwane.[2]


Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Nike_(mitologi)&oldid=832347"