Moai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Moai ing daerah Rano Raraku

Moai inggih punika patung-patung ingkang wonten ing Pulo Paskah ingkang dipunpahat saking watu. Sapérangan ageng patung kasebut jinisipun monolitis, utawi dipunpahat saking saunggali watu kémawon, éwadéné wonten ugi ingkang kagungan watu Pukau tambahan kapisah ingkang dipunpapanaken ing bagéyan sirah. Wonten langkung saking 600 Moai ingkang kasebar ing sedaya wewengkon Pulo. Sapérangan ageng moai dipunpahat saking watu karang vulkanik lunak ingkang wonten ing daerah Rano Raraku, ing pundi taksih kasisa sakitar 400 moai sanèsipun ingkang dèrèng dados. Tambang kasebut kadosipun dipuntilaraken kanthi ujug-ujug. Mèh sedaya moai ingkang dèrèng pungkasan dipunpahat lajeng dipunrisak déning penduduk pribumi ing mrika nalika masa sasampuning konstruksi pungkasan.[1]

Péta Pulo Paskah ingkang nedahaken lokasi Moai

Éwadéné biasanipun kaindéntifikasi lumantar "sirah", kathah moai ingkang gadhah bahu, lengen lan batang badan ingkang sampun kapendhem kanthi wekdal ingkang dangu. Teges "moai" taksih dèrèng dipunmangertosi éwadéné kathah téori babagan asal - usul patung - patung punika.

Sang "penjaga" pulo

Téori ingkang paling kondhang inggih punika moai kasebut dipunpahat déning penghuni asal Polinesia langkung saking satunggal éwu taun kapengker. Moai dipunpitadosi makili arwah leluhur (minangka penanda kuburan), utawi mungkin makili tokoh kondhang sarta minangka simbol status kulawarga. Moai awis sanget menawi dipunpahat lan mbetahaken wekdal ingkang dangu. Moai ugi kedah dipunangkut kanggé dumugi ing lokasi pungkasan ing sadawaning pulo. Boten dipunamngertosi kanthi pesthi kados pundi moai dipunangkut, ananging prosés kasebut pesthi mbetahaken kérékan utawi lan kayu gelondongan.

Legénda kuno ing mrika nyariosaken cariyos satunggaling kepala suku ingkang pados griya ingkang énggal. Lokasi ingkang dipunpilih sakmenika dipunkenal minangka Pulo Paskah. Nalika piyambakipun séda, pulo kasebut dipunpantha-pantha kanggé puta-putranipun. saben sirah saking suku punika séda, sawijining moai dipunpapanaken ing makam si kepala suku. Penduduk sakitar pitados patung punika badhé nangkep "mana" (kekiyatan gaib) kepala suku. Miturut penduduk, kanthi njagi "mana" ing pulo punika, kabegjan badhv kadadosan, jawah badhé mandhap lan tetuwuhan bakal thukul. Legénda punika mbok menawi sampun bvda saking ingkang aslinipun amargi piyambakipun dipunmandhapaken saking manéka generasi. Mungkin kémawon legénda punika dipuntambahi "sensasi" supados langkung menarik.

Wonten ingkang berspekulasi bilih moai dipunbangun déning masyarakat kelas andhap kanggé muliakaken kelas inggil. Tiyang kelas andhap dipupeksa kerja ing bidang punika. Sasampuning nyambut damel ing wekdal ingkang dangu, kelas andhap mberontak kanthi keras. akibatipun, kathah patung ingkang risak, cacahing penduduk kirang dumugi atusan tiyang lan mendhem sajarah Pulo Paskah sadangu-dangunipun.[2]

Cathetan Suku[sunting | sunting sumber]

  1. ^ http://www.pbs.org/wgbh/nova/lostempires/easter/ Public Broadcasting Service (PBS) NOVA: Rahasia Kekaisaran yang hilang: Pulau Paskah
  2. ^ http://www.pbs.org/wgbh/nova/easter/ Public Broadcasting Service (PBS) NOVA: Rahasia Pulau Paskah
Logo Wikimedia Commons
Pirsani galeri bab Moai ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Moai&oldid=876193"