Mikhail I saking Rusia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mikhail ing Biara Ipatiev karya Grigory Ugryumov

Mikhail Fyodorovich Romanov (basa Rusia Михаи́л Фёдорович Рома́нов) (12 Juli 159613 Juli 1645) punika tsar Russia pisanan saking dinasti Romanov, putranipun Fyodor Nikitich Romanov, salajengipun Patriarch Filaret, lan Ksenia (saking keluwarga ingkang dipuntentangaken), salajengipun biarawati ageng Martha.

Panjenenganipun kapilih minangka tsar Rusia kanthi swantun bulat déning majelis nasional tanggal 21 Februari 1613, nanging boten ngantos 24 Maret dhelegasi dhéwan manggihaken sang tsar anem lan ibunipun ing Biara Ipatiev caket Kostroma. Awalipun Martha mrotès putranipun kaenèmen lan dipuntuntut awrat sanget salebetipun wekdal-wekdal awrat puniku. Nanging pungkasanipun Mikhail sarujuk minggah tahta, nanging boten ngantos boyar puniku nangis nélakaken bilih panjenenganipun tetep nulak dhéwan bakal tanggel waler kaliyan Gusti tumrap risakipun Rusia.

Salebetipun kahanan bobrok puniku, wigatos kanggé Mikhail nengga sapérangan minggu ing biara Troitsa, 75 mil, sadèrèngipun pitulungan ingkang layak dipuncawisaken kanggé panjenenganipun ing Moskow. Panjenenganipun dipun makuthani tanggal 22 Juli. Tugas pisanan tsar énggal inggih punika ngresikaken negerinipun saking para perampok ingkang merajalela. Swedia lan Polandia maturut-turut adhep=adhepan kaliyan panjenenganipun salebetipun perdamaian Stolbovo (17 Februari 1617) lan Gencatan Senjata Deulino (1 Desember 1618). Akibat paling wigati saking Gencatan Senjata Deulino inggih punika kunduripun bapanipun tsar saking pambucalan, ingkang kanggé salajengipun mundhut alih pamaréntahan dumugi mangkat wulan Oktober 1633, Mikhail tetep ing salebetipun wewayangan bapanipun.

Tsar Mikhail nalika sesi Boyar Duma karya Andrei Ryabushkin

Tsar Mikhail nandhang tatu suku teras (akibat kacilakan jaran ing awal gesangipun), ingkang damel panjenenganipun boten saged mlampah dumugi tilar donyanipun. Panjenenganipun punika pangéran ingkang lemah lembut lan alim ingkang boten kathah kagungan masalah dhumateng saben tiyang lan boten minunjulaken dhiri ing sawingkingipun penasihatipun. Panjenenganipun palakrami kaping kalih, sepindhah kaliyan Putri Maria Vladimirovna Dolgorukova (1624) ingkang tilar donya 4 wulan sasampunipun palakrami, lan lajeng kaliyan Eudoksia Streshneva (1608–45), ingkang maringi 10 putra. Kagagalan Mikhail malakramèaken pruteinipun Irene kaliyan Pangéran Valdemar saking Denmark, amargi nulak nyarujuki Kaortodoksan, nyebabaken panjenenganipun sedhih dumugi mangkat tanggal 12 Juli 1645.


Sing mengku  sadurungé:
Suksèsi pedhot amarga
Mangsa-mangsa Angèl
Tsar Rusia
1613–1645
Diganti déning:
Aleksey I