Lawang Sèwu
Lawang Sèwu menika satunggiling gedhong ing Semarang, Jawa Tengah tilasipun kantor Nederlands-Indische Spoorweg Maatschappij utawa NIS.[1] Dipunbangun ing taun 1903 lan rampung ing taun 1907. Dumunung ing bunderan Tugu Muda ing jaman rumiyin dipunsebat Wilhelminaplein.[1] Masarakat kathah ingkang nyebat Lawang Sèwu (utawi ing Basa Indonesia tegesipun "seribu pintu"), amargi kathah kori lan jendhéla kang ageng lan wiyar. Nanging wonten ing kasunyatan saleresipun boten wonten setunggal èwu.[2] Gedhong kina lan èndah menika nggadhahi kalih "lantai".
Bab lan Paragraf |
[sunting] Sejarah
Sasampunipun kamardikan gedhong menika dipunginakaken dados kantor Jawatan Kereta Api Indonesia (DKARI) utawi samenika dipunsebat PT KAI.[2] Gedhong menika ugi naté dipunginakaken kantor Badan Prasarana Komando Daerah Militer (Kodam IV Diponegoro) lan ugi kantor wilayah (Kanwil) Departemen Perhubungan Jawa Tengah. Wonten ing jaman perjuangan rumiyin gedhong menika ngadhahi cathetan piyambak, amargi dados seksi prastawa Pertempuran Lima Hari di Semarang.[3] Tanggal 14 Oktober-19 Oktober 1945 gedhong Lawang Sèwu menika dados papan panggenan pertempuran antawisipun pemuda Angkatan Muda Kereta Api (AMKA) nglawan Kempetai lan Kidobutai, Jepang.[3] Pramila Pamrentah Kitha Semarang kanthi SK Wali kota 650/50/1992 ndadosaken Lawang Sèwu menika salah satunggaling bangunan kina wonten ing tlatah Semarang lan kedah dipun lestarekaken.[3]
[sunting] Kahanan Samenika
Samenika gedhong ingkang sampun 100 taun langkung menika boten kaginakaken lan dados gedhong ingkang wingit.[4] Ananging kala-kala dipunadani pameran, kadosta Semarang Expo lan Tourism Expo,[5] lan wonten ingkang nggadhahi pamanggih bilih Lawang Sèwu menika dipun damel Hotel. Wonten ing taun 2007 Lawang Sèwu menika dados "Lokasi Syuting Filem" ingkang irah-irahanipun sami kaliyan gedhongipun.
[sunting] Cathetan suku
- ↑ a b semarang.go.id(diundhuh tanggal 28 Maret 2010)
- ↑ a b Sejarah(diundhuh tanggal 28 Maret 2010)
- ↑ a b c [1](diundhuh tanggal 28 Maret 2010)
- ↑ Lawang Sewu (diundhuh tanggal 7 April 2011)
- ↑ Sejarah Lawang Sewu (diundhuh tanggal 7 April 2011)
