Konstitusi Meiji

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Penetapan Konstitusi Meiji, karya Hashimoto Chikanobu.

Konstitusi Meiji {大日本帝國憲法} utawa Konstitusi Kekaisaran Jepang ya iku undhang-undhang Kakaisaran Jepang wiwit saka taun 1889 nganti tekan taun 1947.[1] Undhang-undhang iki dipatrapaké dadi bagéyan saka Restorasi Meiji. Undhang-undhang dhasar iki ngidinaké anané sawijining monarki konstitusional kang adhedhasar modhèl Prusia, ya iku Kaisar Jepang dadi panguwasa aktif lan duwé kakuwasan pulitik kang gedhé, nanging didum karo anggota parlemen kang dilantik.[1] Restorasi Meiji kang ana bisa mbalèkake kakuwasan pulitik langsung marang kaisar kanggo sepisanan sawisé luwih saka sèwu taun Jepang ngalami periodhe réformasi pulitik lan sosial uga prosès westernisasi kang angkahé kanggo ngangkat derajat derajat Jepang nganti padha karo bangsa-bangsa liyané kang ana ing donya sisih kulon.[1] Konsekuènsi langsung saka Konstitusi iki yaiku dibukake pamaréntah parlemèntèr pisanan ing Asia.[1] Konstitusi Meiji netapake watesan kang teges antarane kakuasan badan eksekutif lan kekuasaan mutlak Kaisar.[2] Konstitusi iki uga nggawe sawijining pengadilan kang independen.[2] Nanging uga ana ambiguitas ing tembung-tembung ing naskahe, lan akeh keterangan kang saling berkontradiksi.[2] Para pemimpin pemerintah lan parte politik kanthi mengemban tugas kanggo nafsirake, Konstitusi Meiji bisa digunakake kanggo mbenerake kakuasan otoriter utawa pemerintahan kang liberal-demokratis.[2] Pertarungan antarane rong kecenderungan mau kang banjur ndominasi pemerintahan Kekaisaran Jepang.[2] Konstitusi Meiji digunakake dadi model kanggo Konstitusi Ethiopia 1931, dening intelektual Ethiopia Tekle Hawariat Tekle Mariyam.[2] Iki kang ndadekake salah sijine alesan kenapa kaum intelektual progresif Ethiopia kang gegeyutane karo Tekle Hawariat dikenal karo sebutan "Japanizers".[2] Konstitusi Meiji diadopsi nalika 11 Februari 1889 nanging nembe diwiwiti nalika tanggal 29 November 1890[2]. Taun 1947, bebarengan karo kalahe Jepang dlan uga jajahane Jepang nalika pungkasan taun Perang Donya II, Konstitusi Meiji digantikake karo dokumen anyar kang dijenengi "Konstitusi Jepang", kang nggantikake sistem kekaisaran karo jenis demokrasi liberal ala Negara-negara kulon.[2]

Galeri[sunting | sunting sumber]

Pranala Njaba[sunting | sunting sumber]

Cathetan Suku[sunting | sunting sumber]

  1. ^ a b c d Arnold, Edwin. "Asia's First Parliament; Sir Edwin Arnold Describes the Step in Japan," New York Times. 26 January 1891.
  2. ^ a b c d e f g h i Bahru Zewde, A History of Modern Ethiopia: 1855-1991, second edition (Oxford: James Currey, 2001), p. 110
Sumber artikel punika saking kaca situs web: "http://jv.wikipedia.org/w/index.php?title=Konstitusi_Meiji&oldid=832616"