Katédral Helsinki

Katédral Helsinki (basa Finlan: Helsingin tuomiokirkko, Suurkirkko; basa Swèdhen: Helsingfors domkyrka, Storkyrkan) iku katédral gréja Injili Luteran saka Kabiskopan Helsinki, sing dunungé ana ing kampung Kruununhaka ing punjering Kutha Helsinki, Finlan, ing Lapangan Sénat. Gréja iki wiwitané dibangun saka taun 1830 nganti 1852 minangka sesembahan kanggo Adipati Agung Finlan, Tsar Nikolas I saka Ruslan. Kala samana gréja iki ditepungi minangka Gréja Santo Nikolas (basa Finlan: Nikolainkirkko, basa Swèdhen: Nikolajkyrkan) nganti Finlan mardika ing taun 1917. Gréja iki salah sawijining landmark Kutha Helsinki, lan mbokmanawa gedhong Finlan sing kawentar dhéwé, yèn dideleng kanthi global.