Kaisar Kangxi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
The Kangxi Emperor.jpg

Kaisar Kangxi (Hanzi: 康熙, lair 4 Mei 1654 – tilar donya 20 Desember 1722 kanthi umur68 taun) yaiku kaisar saka Dinasti Qing kkapapat lan kaisar Tiongkok nomer loro saka bangsa Manchu kang nguwasani pamrentahan taun 1661 nganti tekan taun 1722.[1] Dheweke dikenal dadi salah siji kaisar kang paling apik ana ing Tiongkok, merga sadawane pamrentahane Tiongkok bisa berkembang pesat ana ing babagan budaya lan uga militer, rakyat uga bisa urip kanthi ayem.[1] Ana ing jaman semana Tiongkok dadi kekaisaran paling gedhe ana ing donya kanthui wilayah kang paling amba, populasi paling akeh, pasukane kuata kan banda donya kang ora bisa diitung.[1] Mangsa pamrentahane kang suwenen nganti tekan 61 taun ndadekake dheweke dadi kaisar kang paling suwe anggone nguwasani tahata ana ing sejarah Tiongkok.[1] Dheweke marisi tahta nalika umure nembe 8 taun, ana ing umur kang isih enom kuwi dheweke didampingi dening wali saka Ibusuri Xiaozhuang, kang menehi pengaruh kanggo uripe.[1] Kangxi lair kanthi jeneng cilik Aisin Gioro Xuanye (爱新觉罗玄燁) yaiku putra nomer telu saka Kaisar Shunzhi lan selir Tunggiya.[2] Taun 1661, Shunzhi dilaporake mati lan marisake tahta marang awake.[2] Sadurunge Shunzhi wis milih Suoni, Ebilong, Sukesaha, lan Aobai dadi wali kanggo mbantu kaisar kang isih cilik kuwi anggone nglakokake kewajibane ana ing pamrentahan.[2] Wali-wali iki ora tau akur kanggo ngrebutake kakuwasn.[2] Saka ka papat waline Aobai dadi kang paling duwe ambisi.[2] Dheweke dadi wali tunggal kanggo Kangxi sawise Suoni mati lan Sukesaha diukum mati, Ebilong banjur nyatakake tunduk marang dheweke.[2] Taun 1669, nalika umure 14 taun, Kangxi mutusake kanggo mimpin pamrentahan kanthi independen.[2] Saka bantuwane Ibusuri Ziaozhuang, dheweke njebak Aobai lan jeblosake marang penjara.[2] Wiwit saka kuwi Kangxi nembe bisa mimpin pamrentahan kanthi mandiri.[2]


Pranala Njaba[sunting | sunting sumber]

  • Cheng Qinhua, Tales of the Forbidden City, Bejing: Foreign Languages Press, 1997.
  • Fu Chunjiang, “Chinese History: Ancient China to 1911”, Singapore: Asiapac Books, 2005
  • Lin Shan, “Dragon Tales: China’s History from Tang to Qing”, Singapore: Asiapac Books, 2006

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kaisar_Kangxi&oldid=832881"