Joseph E. Stiglitz

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Joseph E. Stiglitz
Empfang Joseph E. Stiglitz im Rathaus Köln-1473.jpg
Joseph E. Stiglitz, 2012
Lair 9 Februari 1943 (umur 71)
Kawarganegaran Flag of the United States Amerika Serikat
Bidang Makroekonomi, Ekonomi publik, Ekonomi informasi
Dipangaruhi John Maynard Keynes, Robert Solow
Mangaruhi Jason Furman
Kontribusi Screening, Perpajakan, Pengangguran
Mangsa jabatan
1995 – 1997
Pejabat sadurungé Laura Tyson
Pengganti Janet Yellen


Joseph Eugene Stiglitz (lair 9 Februari 1943; umur 71 taun) inggih punika salah satunggaling pakar ékonomi, pengarang, lan salah satunggaling tiyang (tokoh) ingkang pikantuk penghargaan Nobel bidang Ékonomi taun 2001. [1]

Pagesangan awal[sunting | sunting sumber]

Stiglitz miyos wonten ing Gary, Indiana, Amerika Serikat saking pasangan Charlotte lan Nathaniel Stiglitz. Wiwit taun 1960 dumugi taun 1963, piyambakipun kuliah wonten ing Amherst College. Tingkat sekawan dipunlampahi wonten ing MIT, ingkang lajeng dipunlajengaken dhateng tingkat pascasarjana. Wiwit taun 1965 dumugi taun 1966, piyambakipun sinau wonten ing Cambridge University kanthi beasiswa saking Fullbright. Wonten ing taun-taun candhakipun, piyambakipun ngajar wonten ing Massachusetts Institute of Technology (MIT) lan Yale.[2]

Pagesangan Profesional[sunting | sunting sumber]

Stiglitz sakmenika ngajar wonten ing Graduate School of Business ing Columbia University lan dados editor jurnal The Economists' Voice sesarengan kaliyan Bradford DeLong lan Aaron Edlin. Piyambakipun ugi dados anggota Dewan Penasihat kanggé Oxford Council on Good Governance.[3]

Kejawi maringi kathah sumbangan wonten ing bidang ekonomi mikro, Stiglitz ugi naté nyepeng jabatan ingkang sipatipun damel kabijakan. Piyambakipun naté njabat minangka ketua Dewan Penasihat Ekonomi Presiden AS nalika masa pamaréntahanipun Bill Clinton (1995 - 1997). Wonten ing Bank Dunia, piyambakipun njabat minangka Wakil Ketua Senior lan Ekonom Kepala (1997 - 2000), sadéréngipun dipunpaksa mandheg déning Treasury Secretary, Lawrence Summers.

Panalitén Stiglitz ingkang paling misuwur inggih punika babagan screening, teknik ingkang dipunginakaken satunggaling palaku ékonomi kanggé mendhet informasi ingkang samesthinipun pribadi saking palaku sanésipun. Sumbanganipun wonten ing nglebetaken teknik screening wonten ing teori asimetri informasi punika ingkang damel piyambakipun pikantuk penghargaan Nobel sesarengan kaliyan George Akerlof lan A. Michael Spence.

Stiglitz ugi ngarang Whither Socialism, satunggaling buku nonmatematis ingkang maringi pangenalan kanggé teori-teori ingkang ngandharaken kegagalan sosialisme ekonomi wonten ing Eropa Timur, peran informasi ingkang boten-sampurna wonten ing pasar, lan andharan miskonsepsi babagan se-"bebas" punapa sajatosipun sistem kapitalis pasar bebas punika. Nalika taun 2002, piyambakipun nyerat buku Globalization and Its Discontents, nalika piyambakipun nengenaken bilih International Monetary Fund mapanaken kapentingan pamegang saham paling ageng (Amerika Serikat) ing nginggil kapentingan negara-negara miskin ingkang sajatosipun kedah dipunbiyantu. Wonten ing buku punika Stiglitz ugi nawakaken sapérangan alesan kénging menapa globalisasi sampun medalaken dukanipun para pamrotes, kados ingkang kadadosan wonten ing Seattle lan Genoa.

Buku Stiglitz salajengipun minangka kalajengan saking Globalization and Its Discontents, inggih punika The Roaring Nineties. Terjemahan basa Indonesia The Roaring Nineties dipunterbitaken déning Marjin Kiri (2006) kanthi judul Dekade Keserakahan. Stiglitz maringi pengantar mligi kanggé édisi Indonesia punika ingkang nyinggung perkawis korupsi.

Kutipan[sunting | sunting sumber]

  • April 2001 - babagan Dana Moneter Internasional
    • "Nalika satunggaling negara saweg terpuruk, IMF mendhet kesempatan lan meres titik darah pungkasanipun. IMF ngipasi latu, saéngga pungkasanipun, sedaya kualinipun njeblug. Piyambakipun nyebabaken sedanipun kathah tiyang. Piyambakipun boten peduli tiyang gesang punapa séda. Kabijakanipun ngalitaken [demokrasi]]... radi mirip kaliyan Jaman Pertengahan utawi Perang Opium".

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Joseph_E._Stiglitz&oldid=836363"