Johns Hopkins

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Johns Hopkins

Johns Hopkins (lair ing Anne Arundel County, Maryland, 19 Mei 1795 – tilar donya ing Baltimore, 24 Desember 1873 kanthi umur78 taun) inggih punika satunggaling pangusaha, filantropis, lan abolisionis abad kaping 19, sakmenika taksih kathah dipunkenal amargi karya filantropisipun ingkang kalebet Universitas Johns Hopkins, Griya Sakit Johns Hopkins,[1] lan Sekolah Medis Johns Hopkins.[2]

Kulawarga[sunting | sunting sumber]

Wonten ing tanggal 19 Mei 1795, Johns Hopkins miyos wonten ing Anne Arundel County, Maryland wonten ing satunggaling kulawarga ingkang sugih. Piyambakipun minangka putra ingkang kaping kaping saking 11 sadhèrèk. Ibunipun, Hannah Janney, miyos wonten ing Loudoun County, Virginia. Bapakipun Samuel Hopkins miyos wonten ing Virginia. Kekalih tiyang sepuhipun palakrama rikala tanggal 19 Agustus 1792. Rikala palakrama, Samuel kanthi yuswa 33 dènè Hannah saweg ngancik yuswa 18 taun.[3]

The Emansipasi lan akibatipun[sunting | sunting sumber]

Wonten ing taun 1807, tiyang sepuhipun Johns Hopkins' ingkang nganut agama Quaker mbebasaken budakipun. Kulawarga punika ugi ngrawat budk ingkang kirang sehat. Minangka anggota saking komunitas Quaker, tiyang sepuhipun minangka salah satunggal ingkang mutusaken saperlu nindakaken emasipasi budakipun lan ugi nyuwun dhumateng anggota sansèipun ingkang kapingin gabung kaliyan komunitas punika nindakaken bab ingkang sami. Amargi emansipasi punika pendidikan John lan kakangipun kaganggu. Kekalih rayi-raka punika kedah makarya wonten ing perkebunan sasampunipun wangsul saking sekolah. Johns ugi sampun biasa tulung-tinulung lan ugi ngrawat rayi-rayinipun. Johns Hopkins mbiyantu ibunipun nalika bapakipun tilar donya rikala taun 1814.

Ibunipun sèda taun 1846, setunggal taun sasampunipun putra ingkang paling sepuh, Joseph, ingkang ugi sèda. Piyambakipun ugi kathah mbiyantu sadhèrèk-sadhèrakipun ingkang sampun sepuh utawi kagungan kabetahan finansial.

Taun bisnis[sunting | sunting sumber]

Sasampun piyambakipun nilaraken perkebunan, Hopkins kerja wonten ing bisnis grosiran pakdhenipun. Bisnis sukses kapisanan sukses nalika pakdhenipun tindak Perang 1812.

Nalika dumunung wonten ing dalem pakdhenipu, piyambakipun tresna kaliyan sadhèrèkipun, Elizabeth Hopkins. Wonten ing Quakers penilaian tumrap palakrama antawising sepupu ingkang celak lan tiyang sepuh Elizabeth boten ngidinaken kekalihipun kangge palakrama. Kekalihipun janji boten badhe palakrama kaliyan tiyang sanès lan tetep lajang salawasing gesangipun. Sami kaliyan anggota kulawarga ingkag sanès, Johns ugi nyamektakaken griya kangge Elizabeth nalika sampun sepuh. Elizabeth gesang dumugi piyambakipun tilar donya nalika taun 1889, antawis 15 taun sasampunipun Johns tilar donya.[4]

Sasampun piyambakipun nilaraken bisnis pakdhenipu, Hopkins lan Benjamin Moore, ugi satunggalng anggota Quaker, nglampahaken bisnis sesarengan. Bisnis kasebut lajeng dados Hopkins & Brothers nalika Moore mbatalaken kerja samanipun lan ngandharaken bilih Johns langkung remen kaliyan bandha tinimbang kaliyan piyambakipun.

Cathetan Suku[sunting | sunting sumber]


Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Johns_Hopkins&oldid=868058"