Hominide

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Hominide iku sawijining roman Austria sing ditulis déning Klaus Ebner lan asliné mawa basa Jerman. Critané kedadéan sawetara yuta taun kapungkur. Kisah caritané perkara sawijining kelompok hominida sing saiki wis punah, ing sakiwa tengené Afrika Tengah. Buku iki kababar déning panerbit Wina FZA Verlag ing Oktober 2008.

Ringkesan

Buku nyritakaké kedadéan sing dumadi ing tlatah transisi antara savana lan alas udan tropis ing daérah Afrika Tengah pirang yuta taun kapungkur. Para paraga utamané yakuwi australopithecus afarenses, sajinising hominida sing urip ing uwit lan saiki wis punah serta anané sadurungé piranti lan geni ditemokaké.

Perspèktif carita iku tokoh kapisan (tokoh aku) lan sang protagonis carita yaiku sing jenengé Pitar. Pitar mbabar perkara donya saindhengé ing pitung bab lan nggiring kelompoké menyang peradaban: »Also beschloss ich, ein wenig Klarheit ins Dunkel zu bringen, meinen Leuten eine Kerze anzuzünden, nach der Devise, es werde Licht und so.« ("Dadi takputusaké supaya nggawa pepadhang sethithik ing pepeteng lan nyumet lilin kanggo bangsaku miturut ukara (saka kitab Purwaning Dumadi:) "Anaa pepadhang lan sabanjuré."

Para hominida iki ndarbèni kapasitas linguistik, pamikiran lan pacelathon sing wis mèmper manungsa modèrn. Saliyané iku, jalma-jalma iki ndarbèni kawruh ngédab-édabi ngenani sajarah, pulitik, filsafat lan kasusastran.

Buku iki isiné ana pitung bab, urut-urutan "Dina 1" nganti "Dina 7". Judul saben bab iku ngrujuk marang pitung dina nalika jagad dicipta déning Gusti Allah miturut kitab Purwaning Dumadi ing Alkitab. Bab mawa nomer ganjil nyritakaké perkara asmara. Sang panulis Karin Gayer nulis ing review buku iki menawa crita asmara Pitar lan Maluma serta anggoné sajroning tèks mènehi "tafsir kapindho saka wiwitan lan pungkasan".

Para paraga

  • Akshaya:
  • Bongo:
  • Carpediem: Jeneng iki asalé saka basa Latin lan tegesé sajatiné "methik dina" .
  • Costello:
  • Djamila:
  • Ischa:
  • Konrad:
  • Lao:
  • Lucy:
  • Maluma:
  • Manisha:
  • Pitar: Jeneng sang protagonis iki asalé saka basa Sangskreta lan tegesé 'bapak'. Tekanané ana ing wanda kapindho: »Pitár«.
  • Re:
  • Rhododendron:
  • Ruth:
  • Thorn:
Sumber artikel punika saking kaca situs web: "http://jv.wikipedia.org/w/index.php?title=Hominide&oldid=827007"