Gunung Jiri

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Jiri

Gunung Jiri
Hangeul 지리산
Hanja 智異山
Alih Aksara sing disampurnakaké Jirisan
McCune–Reischauer Chirisan

Gunung Jiri inggih punika gunung paling inggil angka kalih wonten ing wewengkon Korea Selatan ingkang dumunung wonten ing pungkasaning Rerangkèn Pegunungan Sobaek.[1] Rerangkèn Sobaek minangka pungkasan saking Rerangkèn Baekdudaegan, barisan ingkang sami jèjèr ing sadawaning Semenanjung Korea. Nama Jirisan saged dipunterjemahaken wonten ing macem - macem teges, ingkang umumipun gadhah nuansa mistis. Jiri saged dipuntegesaken "Gunung Tiyang ingkang Anèh lan Bijak".[2] Saged ugi dipunterjemahaken minangka "Kawicaksanan lan Kaèndahan", tembung ingkang asalipun saking kitab sutra agama Buddha.[3] Wonten ing jaman rumiyin Jiri dipunkenal minangka papan dunungipun para pertapa,[2] ingkang pitados bilih gunung kasebut saged damel para pertapa dados langkung wicaksana.[3] Rakyat Korea nyebutaken bilih Gunung Jiri punika sami kaliyan Gunung Geumgang lan Gunung Halla minangka gunung mistik.[2]

Katetepaken minangka satunggaling taman nasional wonten ing taun 1967, Gunung Jiri mbentang wonten ing wilayah 4 kabupaten lan 1 kutha wonten ing 3 propinsi.[2] Ngliputi kabupaten Hadong, Hamyang, Sancheong (Gyeongsang Selatan), Kabupaten Gurye (Jeolla Selatan) lan kutha Namwon (Jeolla Utara).[2] Propinsi Gyeongsang Selatan kagungan proporsi wilayah taman nasional ingkang paling wiyar. Kanthi wiyaring wilayah taman, 471,758 km², kawasan punika minangka taman nasional ingkang paling wiyar wonten ing Korea Selatan.[2] Garis lingkar Gunung Jiri dawanipun dumugi jarak 320 km, ing pundi salebetipun medal 3 puncak paling inggil, inggih punika Cheonwangbong (1.915 m), Banyabong (1.732 m), lan Nogodan (1.507 m).[2]

Taman Nasional Gunung Jiri nglindungi keanekaragaman hayati ingkang inggil.[2] Jinis flora lan fauna ingkang gesang wonten ing kawasan punika dumugi 4.989 jinis.[2] Flora Gunung Jiri bervariasi saking vegetasi iklim anget, sedheng dumugi dingin.[2] Wonten ing situs-situs kuil Buddha tuwuh wit - witan ingkang katetepaken minangka harta nasional kados wit ceri higan lan wit cemara 1000 taun.[2] Kéwan-Kéwan ingkang gesang wonten ing papan punika antawisipun terwelu, roe siberia (Capreolus pygargus), elk lan kucing liar.[2] Harimau Korea ingkang pungkasan katingal wonten ing papan taman nasional punika sadèrèng pungkasanipun punah.

Wonten ing wilayah Gunung Jiri wonten 7 cacah kuil Buddha ingkang wigati, ingkang paling ageng inggih punika Hwaeomsa.[1] Wonten ing wilayah punika wonten ing kampung Cheonghak-dong ingkang taksih njagi cara gesang ingkang tradisional.

Pranala Njaba[sunting | sunting sumber]

Logo Wikimedia Commons
Pirsani galeri bab Gunung Jiri ing Wikimedia Commons.

Cathetan Suku[sunting | sunting sumber]

  1. ^ a b (en)Chirisan (Mt. Jiri), summitpost. Dipunundhuh: 17-03-2013.
  2. ^ a b c d e f g h i j k l (en)Jirisan, knps. Dipunundhuh:17-03-2013.
  3. ^ a b (en)Jiri-san - 지리산 - the Exquisite-Wisdom Mountain, san-shin. Akses:17-03-2013.
Sumber artikel punika saking kaca situs web: "http://jv.wikipedia.org/w/index.php?title=Gunung_Jiri&oldid=843290"