GE U20C

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

GE U20C iku sajinising lokomotif diesel-èlèktrik weton Amérika Sarékat gawéané GE Transportation Systems. Ing Indonésia lokomotif iki diwèhi jeneng kode CC 203 déning PT KAI. Lokomotif iki pisanané digawé ing taun 1964 minangka modèl èkspor. Lokomotif iki mesiné arupa FDL-8T kanthi silindher 8.

Saliyané ing Indonésia, lokomotif iki uga dienggo saindhenging donya lan akèh variasi sarta modhifikasiné. Kadhangkala mesiné sing dienggo uga séjé, kayata 7FDL8 lan 7FDL12. Kayadéné anggota liyané saka séri Universal, lokomotif iki kompatibel karo kabèh jenis amba jalur ril sepur.

PT Kereta Api Indonesia séri CC 203[sunting | sunting sumber]

GE U20C sing dienggo ing Indonésia dimodifikasi sacara unik. Lokomotif vèrsi Indonésia ndarbèni kabin sing amba. Saliyané iku ambané jalur ril ing Indonésia 1.067 mm lan dioperasèkaké déning PT Kereta Api Indonesia. Kabin amba CC 203 iki perluné supaya luwih nyaman kanggo para masinis serta luwih cetha olèhé nggatèkaké jalur ril lan sinyal-sinyal. Kabin amba iki dibangun déning Goninan Locomotive Work (saiki UGL Rail), Australia.

Pambangunan[sunting | sunting sumber]

Antara taun 1995 lan 2000, ana 41 unit tipe lokomotif iki sing dibangun lan diserahaké marang Indonésia lan diwèhi kodhe nomer CC203 01-41. Klompok sapisan diwèhi nomer 01-12 lan diimpor saka GE Transportation ing Erie, Amérika Sarékat. Banjur nomer 13-41 dibangun sacara lokal ing Indonésia déning GE Locomotive Indonesia, sawijining badan usaha kerjasama (joint company) antara PT Industri Kereta Api Indonesia (PT INKA) lan GE Transportation. Banjur CC 203 didésain déning Goninan, Australia lan GE, AS. Goninan nggawé kabin amba lan GE sing nggawé mesin lan body-né.

Operasional[sunting | sunting sumber]

Kabèh lokomotif isih operasional lan ditugasaké dadi panggèrèt gerbong-gerbong sepur èksprês panumpang. Nanging kadhangkala lokomotif iki uga dienggo nggèrèt gerbong kelas 3 lan gerbong barang.

Sajarah operasional[sunting | sunting sumber]

Sajatiné CC 203 dibangun kanggo ngrayakaké Dina Proklamasi Kamardikan Indonésia kaping 50 ing taun 1995. Lokomotif iki sengaja digawé kanggo nggèrèt sepur èksprès Argo kayata Argo Bromo JS950. Sawisé pamaréntah Indonésia akèh ngresmèkaké sepur-sepur Argo anyar, CC 203 mesthi sing nggèrèt. Nanging sawisé wolung taun,CC 203 uga dienggo nggèrèt sepur barang.

C20EMP[sunting | sunting sumber]

Ing taun 2005, GE Locomotive Indonesia nepungaké sawijining tipe lokomotif anyar. Tipe iki isih padha rupané karo CC 203 nanging nrapaké komputer canggih.


Vèrsi èkspor[sunting | sunting sumber]

Ing taun 2000, PT Industri Kereta Api Indonesia nggawé CC 203 pungkasan kanggo Jawatan Sepur Filipina. Modhèlé lan spésifikasiné padha karo vèrsi Indonésia. Nanging sawisé 6 taun dadi ringsek. Banjur lokomotifé digawa menyang Coote Industrial Company ing Australia lan diréparasi. Saiki lokomotifé wis apik manèh.

Galeri[sunting | sunting sumber]

Sumber[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=GE_U20C&oldid=835339"