Djawa Baroe
Djawa Baroe ya iku kalawarti kang babar ing jaman pandhudhukan Jepang ana Jakarta.[1][2] Kalawarti iki dibabar Djawa Shinbun kang andum gawé karo padinan Asia Raja.[1] Kalawarti iki babar kang sepisanan ing 1 Januari 1943, tumuju mangsa kalahé Jepang ing Perang Pasifik.[2] Dibabar kanthi pungkasan ing 1 Agustus 1945.[1] Pamimpiné kang kapisan ya iku H. Nomoera banjur S. Higashiguchi.[1] Tiras kalawarti iki dinuga dhuwur amarga sasarane ora mung Indonesia, ning ya uga Jepang.[1] Didelok saka jinisé, kawit terbitan sepisanan, kalawarti iki dienggo dadi srana propaganda Jepang.[1] Tekané Jepang ing Indonesia kanggo ngluwari Indonesia saka panjajahané Landa lan ngajak Indonesia gawé makmur bareng ana Asia.[1] Ikhtiar propaganda iku katon cetha ing "pengantar" kalawarti kanthi irah-irahan "Tjita-tjita Djawa Baroe".[1] Ikhtiar propagandané luwih cetha ana isiné.[1] Warta-warta kang diemot nudhuhaké prakara-prakara kang kekaitan ngenani kadigdayan bala Jepang ing Perang Pasifik.[2] Kanggo marai yakin pamacané, kalawarti iki luwih akèh ngemot gambar tinimbang tulisan.[2] Gambaré ya iku gambar sing kekaitan karo Jepang.[2]
Cathetan sikil
[besut | besut sumber]- ↑ a b c d e f g h i Dr. Dendy Sugono, èd. (2003). Ensiklopedia Sastra Indonesia Modern. Bandung: Remaja Rosdakarya Offset. kc. 97-99. ISBN 979-692-283-5.
- ↑ a b c d e "Djawa Baroe". jakarta.go.id. Diarsip saka sing asli ing 2013-11-25. Dibukak ing 9 Mèi 2016.
{{cite web}}: Cite has empty unknown parameter:|lst=(pitulung)
Pranala njaba
[besut | besut sumber]- Ensiklopedhi ing Jakarta.go.id Archived 2013-11-25 at the Wayback Machine.