Basa Konkani

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Basa Konkani iku anak cabang kidul basa Indo-Arya lan dianggep minangka sempalan saka basa Marathi. Basa iki awalé pancèn asalé saka wilayah Konkan lan Goa, nanging amarga masalah ékonomi mula panutur basa iki banjur pindhah menyang manéka wilayah ing India. Saliyané faktor panyerbuan saka manéka bangsa kayadéné panguwasa Islam lan Portugis. Akibaté, para panutur basa Konkani iki bisa ditemoni ing negara bagéan Goa, Maharastra, Karnataka, Kerala lan sapérangan bagéan Tamil Nadu. Panutur basa iki uga heterogen banget saka status sosial, uga agamané. Diprakirakaké ana 3 yuta wong sing migunakaké basa Konkani.

Status Basa[sunting | sunting sumber]

Basa Konkani wiwit diakoni minangka basa kasusastraan nalika taun 1975 déning Sahitya Academy, lan bener-bener didadèkaké basa resmi negara bagéan Goa nalika taun 1987. Basa iki uga mlebu jroning konstitusi ka-8 nalika taun 1992 lan dadi salah siji basa nasional ing India senajan isih ana kakurangan ing kana kéné. Wiwit uwal saka Portugis, basa Konkani digunakaké ing kabèh bidhang kauripan déning masarakat Goa, formal uga informal.

Sistem Panulisan[sunting | sunting sumber]

Isih ana karancuan jroning sistem panulisan basa Konkani. Senajan huruf Devanagari ditetepaké minangka huruf resmi, nanging akèh banget wong Konkani sing migunakaké huruf Latin uga huruf Kannada jroning nulis.

Conto :

  • Helo = Halo
  • Tum kaso aasaa? = Apa kabar?
  • Haamva baro aasaam. = Apik-apik.
  • Deva barem karum = Matur nuwun
  • Tumacem naamva kidem?= Sapa jenengmu?
  • Mhajem naamva….. = Jenengku……
  • Barem, melumya = Sampai jumpa
Sumber artikel punika saking kaca situs web: "http://jv.wikipedia.org/w/index.php?title=Basa_Konkani&oldid=868870"