Ayan

Saka Wikipédia Jawa, bauwarna mardika basa Jawa

Ayan utawa epilepsi iku lelara saraf menaun sing nimbulaké serangan ujug-ujug makaping-kaping ora mawa alesan. Tembung 'epilepsi' iku asal saka basa Yunani (Epilepsia) sing tegesé 'serangan'.

Panyebab Ayan[besut | besut sumber]

Utek kita dumadi saka yutan sèl saraf (neuron), sing tugasé ngoordinasèkaké kabèh aktivitas awak kita kalebu perasaan, pandulu, mikir, nggerakaké [otot].

Tumrapé para panyandhang lelara ayan, kadhangkala sinyal-sinyal mau, ora ngayahi aktivitas kaya sing kudu dilakoni. Bab iki bisa diakibataké déning manéka unsur-unsur, antarané; trauma sirah (tau ngalami cidra ing sirah), tumor utek, lan sapanunggalané.

Lumrahé ayan disebabaké déning karusakan utek sajeroning prosès kelairan, tatu ing sirah, stroke, tumor utek, alkohol. Kadhangkala, ayan uga saka genetika, nanging ayan iku dudu lelara katurunan lan jalaran sing mesthi durung kinawruhan.

Pranala njaba[besut | besut sumber]