ꦩꦢꦸꦒꦺꦴꦮꦺꦴꦁꦗꦠꦶ, ꦒꦿꦶꦁꦱꦶꦁ, ꦧꦠꦁ
ꦗꦮ
|
| ꦩꦢꦸꦒꦺꦴꦮꦺꦴꦁꦗꦠꦶ | |
|---|---|
| Désa | |
| Nagara |  Indonésia |
| Provinsi | ꦗꦮꦠꦼꦔꦃ |
| ꦏꦧꦸꦥꦠꦺꦤ꧀ | ꦧꦠꦁ |
| Kacamatan | ꦒꦿꦶꦁꦱꦶꦁ |
| Pamaréntahan | |
| • Lurah désa | - |
| Pepadhet | - |
꧋ꦩꦢꦸꦒꦺꦴꦮꦺꦴꦁꦗꦠꦶ꧈ꦆꦏꦸꦱꦭꦃꦱꦶꦗꦶꦢꦺꦱ/ꦏꦭꦸꦫꦲꦤ꧀ꦆꦁꦏꦕꦩꦠꦤ꧀ꦒꦿꦶꦁꦱꦶꦁ꧈ꦏꦧꦸꦥꦠꦺꦤ꧀ꦧꦠꦁ꧈ꦥꦿꦺꦴꦮ꦳ꦶꦤ꧀ꦱꦶꦗꦮꦠꦺꦔꦃ꧈ꦆꦤ꧀ꦝꦺꦴꦤꦺꦱꦶꦪ꧉
ꦱꦗꦫꦃ[besut | besut sumber]
꧋ꦫꦶꦮꦪꦠꦶꦥꦸꦤ꧀ꦝꦺꦱꦩꦣꦸꦒꦺꦴꦮꦺꦴꦁꦗꦠꦶꦩꦼꦤꦶꦏꦩꦥꦤ꧀ꦮꦺꦴꦤ꧀ꦠꦺꦤ꧀ꦆꦁꦣꦠꦫꦤ꧀ꦠꦼꦔꦃꦄꦤ꧀ꦠꦮꦶꦱꦶꦥꦸꦤ꧀ꦥꦼꦂꦧꦸꦏꦶꦠꦤ꧀ꦏꦤ꧀ꦛꦶꦮꦶꦠ꧀ꦮꦶꦠꦤ꧀ꦗꦠꦶꦒꦣꦲꦤꦶꦥꦸꦤ꧀ꦥꦼꦂꦲꦸꦠꦤꦶ꧈ꦆꦁꦱꦏꦶꦮꦠꦼꦔꦼꦤꦶꦥꦸꦤ꧀ꦝꦺꦱꦩꦼꦤꦶꦏꦮꦺꦴꦤ꧀ꦠꦺꦤ꧀ꦱꦮꦃꦆꦁꦏꦁꦩꦶꦱꦲꦏꦺꦤ꧀ꦝꦸꦱꦸꦤ꧀ꦱꦼꦠꦸꦁꦒꦭ꧀ꦏꦭꦶꦪꦤ꧀ꦝꦸꦱꦸꦤ꧀ꦱꦤꦺꦱꦶꦥꦸꦤ꧀ꦱꦌꦁꦒꦗꦫꦏ꧀ꦝꦸꦱꦸꦤ꧀ꦱꦼꦠꦸꦁꦒꦭ꧀ꦏꦭꦶꦪꦤ꧀ꦝꦸꦱꦸꦤ꧀ꦱꦤꦺꦱꦶꦥꦸꦤ꧀ꦠꦼꦧꦶꦃ꧉ꦣꦭꦤ꧀ꦝꦭꦤ꧀ꦏꦁꦚꦩ꧀ꦧꦸꦔꦏꦺꦣꦸꦱꦸꦤ꧀ꦝꦸꦱꦸꦤ꧀ꦆꦏꦸꦆꦱꦶꦃꦣꦸꦫꦸꦁꦱꦩ꧀ꦥꦸꦂꦤ(ꦩꦱꦶꦃꦩꦕꦣꦩ꧀ꦭꦤ꧀ꦆꦱꦶꦃꦏꦠꦸꦠꦸꦥ꧀ꦆꦁꦊꦩꦃ)ꦱꦌꦁꦒꦆꦁꦩꦁꦱꦉꦤ꧀ꦝꦼꦁꦣꦭꦤꦺꦧ꧀ꦭꦼꦣꦼꦏ꧀ꦗꦭꦫꦤ꧀ꦄꦔꦺꦭ꧀ꦧꦔꦼꦠ꧀ꦝꦶꦭꦶꦮꦠꦶ꧉ꦠꦤꦶꦥꦫꦶꦆꦁꦣꦺꦱꦩꦣꦸꦮꦺꦴꦮꦺꦴꦁꦗꦠꦶꦩꦶꦤꦁꦏꦮꦶꦭꦪꦃꦠꦼꦠꦤꦺꦤ꧀ꦱꦶꦁꦄꦩ꧀ꦧꦏꦤ꧀ꦛꦶꦥꦼꦔꦻꦫꦤ꧀ꦱꦶꦁꦕꦸꦏꦸꦥ꧀ꦥꦿꦱꦗꦭꦤ꧀ꦕꦸꦏꦸꦥ꧀ꦱꦤꦗꦤ꧀ꦆꦱꦶꦃꦄꦏꦺꦃꦄꦭꦔꦤ꧀ꦄꦩꦂꦒꦆꦱꦶꦃꦄꦏꦺꦃꦆꦫꦶꦒꦱꦶꦱꦶꦁꦣꦸꦫꦸꦁꦠꦻꦴꦏꦼꦤꦥꦱꦶꦂꦭꦤ꧀ꦱꦼꦩꦺꦤ꧀ꦱꦏꦧꦤ꧀ꦠꦸꦮꦤ꧀ꦥꦼꦩꦼꦫꦶꦤ꧀ꦠꦃꦣꦌꦫꦃ꧈ꦤꦔꦶꦁꦎꦫꦚꦸꦣ꧉ꦱꦼꦩꦔꦠ꧀ꦏꦁꦒꦺꦴꦤꦼꦫꦸꦱꦏꦺꦤꦤ꧀ꦝꦸꦂꦥꦫꦶ꧈ꦈꦒꦮꦶꦭꦪꦃꦱꦮꦃꦱꦶꦁꦣꦶꦣꦸꦮꦺꦤꦶꦩꦱꦾꦫꦏꦠ꧀ꦝꦸꦮꦺꦥꦺꦴꦠꦺꦤ꧀ꦱꦶꦒꦼꦣꦼꦏꦁꦒꦺꦴꦤꦤ꧀ꦝꦸꦂꦮꦶꦠ꧀ꦄꦠꦺꦴꦱ꧀ꦱꦭꦶꦪꦤꦺꦒꦩ꧀ꦥꦁꦠꦸꦮꦸꦃꦭꦤ꧀ꦕꦼꦥꦼꦠ꧀ꦠꦸꦮꦸꦃ꧈ꦮꦶꦠ꧀ꦏꦪꦸꦄꦠꦺꦴꦱ꧀ꦆꦱꦶꦃꦣꦶꦏꦫꦺꦥꦏꦺꦣꦼꦤꦶꦁꦥꦫꦥꦼꦔꦸꦱꦲꦥꦼꦔꦺꦴꦭꦲꦤ꧀ꦏꦪꦸ꧉
꧋ꦣꦺꦱꦩꦣꦸꦒꦺꦴꦮꦺꦴꦁꦗꦠꦶꦩꦶꦤꦁꦏꦣꦺꦱꦥꦭꦶꦁꦄꦼꦤꦺꦴꦩ꧀ꦆꦁꦮꦶꦭꦪꦃꦏꦼꦕꦩꦠꦤ꧀ꦒꦿꦶꦁꦱꦶꦁꦱꦮꦶꦱꦺꦥꦶꦱꦃꦏꦫꦺꦴꦏꦼꦕꦩꦠꦤ꧀ꦠꦼꦂꦱꦺꦴꦤꦺꦴꦆꦁꦠꦻꦴꦤ꧀꧇꧒꧐꧐꧘꧇꧈ꦤꦔꦶꦁꦱꦼꦥꦶꦫꦕꦼꦥꦼꦠꦼꦩꦱꦾꦫꦏꦠ꧀ꦧꦶꦱꦄꦣꦥ꧀ꦠꦱꦶ꧈ꦤꦸꦣꦸꦲꦏꦺꦪꦺꦤ꧀ꦩꦱꦾꦫꦏꦠ꧀ꦝꦺꦱꦩꦣꦸꦒꦺꦴꦮꦺꦴꦁꦗꦠꦶꦤ꧀ꦝꦸꦮꦺꦤꦶꦱꦸꦩ꧀ꦧꦼꦂꦣꦪꦩꦤꦸꦱꦶꦪꦏꦁꦣꦸꦮꦸꦂꦔꦁꦒꦺꦥ꧀ꦭꦺꦴꦏꦱꦶꦣꦺꦱꦏꦱꦺꦧꦸꦠ꧀ꦄꦣꦺꦴꦃꦧꦔꦼꦠ꧀꧈ꦱꦏꦏꦸꦛ꧉
꧋ꦣꦺꦱꦩꦣꦸꦒꦺꦴꦮꦺꦴꦁꦗꦠꦶꦤ꧀ꦝꦸꦮꦺꦤꦶꦱꦼꦗꦫꦃꦱꦶꦁꦕꦸꦏꦸꦥ꧀ꦩꦼꦤꦫꦶꦏ꧀ꦪꦺꦤ꧀ꦝꦶꦒꦭꦶꦭꦸꦮꦶꦃꦗꦼꦫꦺꦴ꧈ꦤꦔꦶꦁꦏꦶꦠꦩꦶꦤꦁꦏꦥꦼꦤꦸꦭꦶꦱ꧀ꦧꦏꦭ꧀ꦚꦸꦒꦸꦲꦏꦺꦱꦼꦗꦫꦃꦔꦣꦺꦒꦺꦣꦺꦱꦩꦣꦸꦒꦺꦴꦮꦺꦴꦁꦗꦠꦶꦏꦤ꧀ꦛꦶꦩꦏ꧀ꦱꦶꦩꦭ꧀ꦆꦁꦔꦼꦤ꧀ꦝꦶꦏꦶꦠꦮꦶꦱ꧀ꦔ꧀ꦒꦺꦴꦭꦺꦏꦶꦕꦿꦶꦠꦱꦏꦱꦮꦺꦠꦫꦮꦺꦴꦁꦱꦶꦁꦏꦼꦭꦶꦔꦤ꧀ꦱꦼꦛꦶꦛꦶꦏ꧀ꦧꦧꦒꦤ꧀ꦱꦼꦗꦫꦲꦺ꧉ꦩꦣꦺꦒꦶꦥꦸꦤ꧀ꦝꦺꦱꦩꦣꦸꦒꦺꦴꦮꦺꦴꦁꦗꦠꦶ꧈ꦱꦭꦗꦺꦔꦶꦥꦸꦤ꧀ꦱꦏꦶꦁꦱꦥꦺꦫꦔꦤ꧀ꦕꦫꦶꦪꦺꦴꦱ꧀ꦩꦼꦤꦶꦏꦣꦶꦥꦸꦤ꧀ꦏꦺꦩ꧀ꦥꦭꦏꦺꦤ꧀ꦱꦲꦣꦶꦥꦸꦤꦤ꧀ꦝꦫꦏꦺꦤ꧀ꦏꦤ꧀ꦛꦶꦫꦶꦁꦏꦺꦱ꧀ꦮꦺꦴꦤ꧀ꦠꦺꦤ꧀ꦆꦁꦫꦥꦗꦩꦣꦺꦱ꧀꧈ꦮꦺꦴꦤ꧀ꦝꦺꦤꦺꦄꦱꦶꦭꦶꦁꦥꦣꦺꦴꦱ꧀ꦆꦁꦏꦁꦏꦸꦭꦄꦠꦸꦫꦏꦺꦤ꧀ꦩꦼꦤꦮꦶꦠꦏ꧀ꦱꦶꦃꦏꦛꦃꦏꦼꦏꦶꦫꦔꦤ꧀ꦱꦲꦏꦭꦺꦥꦠꦤ꧀ꦥꦸꦤꦶꦏꦱꦌꦱ꧀ꦠꦸꦣꦝꦺꦴꦱ꧀ꦮꦠꦺꦱꦤꦶꦁꦏꦱꦒꦺꦣꦤ꧀ꦏꦶꦠꦱꦼꦣꦪ꧈ꦆꦁꦧꦧꦒꦤ꧀ꦥꦔꦺꦂꦠꦺꦴꦱꦤ꧀ꦱꦲꦄꦁꦒꦺꦤꦶꦥꦸꦤ꧀ꦔꦺꦴꦭꦃꦈꦏꦫ꧈ꦱꦏ꧀ꦝꦺꦫꦺꦔꦶꦥꦸꦤ꧀ꦚꦸꦮꦸꦤ꧀ꦥꦔꦥꦸꦤ꧀ꦠꦺꦤ꧀꧈
꧋ꦏꦕꦫꦶꦠꦤꦭꦶꦏꦗꦩꦤ꧀ꦏꦼꦫꦗꦄꦤ꧀ꦩꦠꦫꦩ꧀ꦄꦤꦱꦥꦺꦫꦔꦤ꧀ꦱꦼꦤꦺꦴꦥꦠꦶꦏꦁꦣꦶꦈꦠꦸꦱ꧀ꦱꦁꦥꦿꦧꦸꦔꦸꦱꦶꦂꦮꦭꦤ꧀ꦝꦆꦁꦧꦠꦮ꦳ꦶꦪ꧈ꦄꦤ꧀ꦠꦮꦶꦱꦶꦥꦸꦤ꧀ꦩꦣꦸꦗꦺꦴꦪꦺꦴꦱꦏ꧀ꦠꦶꦏꦤ꧀ꦛꦶꦗꦼꦗꦸꦭꦸꦏ꧀ꦏꦼꦧꦺꦴꦒꦼꦩꦭꦶꦃ꧈ꦲꦱꦤ꧀ꦏ꦳ꦺꦴꦮꦺꦂꦏꦤ꧀ꦛꦶꦗꦼꦗꦸꦭꦸꦏ꧀ꦩꦕꦤ꧀ꦒꦫꦺꦁ꧈ꦏꦾꦻꦏꦗꦺꦴꦫꦤ꧀ꦏꦾꦻꦩꦕꦤ꧀ꦥꦸꦠꦶꦃꦭꦤ꧀ꦏꦛꦃ꧉ꦭꦁꦏꦸꦁꦭꦁꦏꦸꦁꦆꦁꦏꦁꦩ꧀ꦧꦺꦴꦠꦺꦤ꧀ꦱꦒꦺꦣ꧀ꦏꦶꦠꦱꦼꦧꦸꦠꦏꦺꦤ꧀ꦱꦼꦠꦸꦁꦒꦭ꧀ꦩ꧀ꦧꦏꦱꦼꦠꦸꦁꦒꦭ꧀꧈ꦱꦼꦤꦺꦴꦥꦠꦶꦩꦠꦫꦩ꧀ꦚꦼꦫꦁꦥꦱꦸꦏꦤ꧀ꦮꦭꦤ꧀ꦝꦆꦁꦧꦠꦮ꦳ꦶꦪꦤꦔꦶꦁꦎꦫꦏꦱꦶꦭ꧀ꦭꦤ꧀ꦥꦸꦁꦏꦱꦤꦺꦱꦼꦤꦺꦴꦥꦠꦶꦩꦸꦤ꧀ꦝꦸꦂꦭꦤ꧀ꦏꦼꦥꦺꦔꦶꦤ꧀ꦧꦭꦶꦩꦼꦚꦁꦩꦠꦫꦩ꧀꧈ꦱꦮꦶꦱꦺꦧꦭꦶꦱꦏꦧꦠꦮ꦳ꦶꦪꦄꦏ꦳ꦶꦫꦺꦊꦉꦤ꧀ꦆꦁꦠ꧀ꦭꦠꦃꦧꦠꦁ꧉ꦮꦼꦫꦸꦃꦩꦏ꧀ꦩꦸꦫꦺꦠ꧀ꦭꦠꦃꦧꦠꦁꦱꦶꦁꦆꦱꦶꦃꦱꦸꦧꦸꦂꦠꦼꦠꦸꦮꦸꦲꦤ꧀ꦩꦤꦺꦏꦮꦂꦤ꧈ꦄꦭꦱ꧀ꦗꦠꦶꦱꦶꦁꦗꦼꦩ꧀ꦧꦂꦭꦤ꧀ꦏꦭꦶꦱꦶꦁꦩꦶꦭꦶꦣꦺꦫꦺꦱ꧀ꦄꦫꦺꦥ꧀ꦩꦥꦤ꧀ꦆꦁꦠꦤꦃꦧꦠꦁ꧈ꦧꦚ꧀ꦗꦸꦂꦄꦤꦱꦶꦁꦱꦼꦤꦺꦴꦥꦠꦶ꧈ꦄꦤꦱꦶꦁꦄꦫꦺꦥ꧀ꦩꦥꦤ꧀ꦆꦁꦠ꧀ꦭꦠꦃꦧꦠꦁ꧉ꦩꦸꦭꦶꦃꦩꦼꦚꦁꦩꦠꦫꦩ꧀꧈ꦱꦏꦱꦸꦩ꧀ꦧꦼꦂꦆꦤ꧀ꦥ꦳ꦺꦴꦂꦩꦱꦶꦱꦶꦁꦣꦶꦠꦩ꧀ꦥꦱꦶꦁꦩꦁꦒꦺꦴꦤ꧀ꦆꦁꦮꦶꦭꦪꦃꦧꦠꦁꦏꦭꦺꦧꦸ꧇
꧋ꦲꦱꦤ꧀ꦏ꦳ꦺꦴꦮꦺꦂ(ꦩꦕꦤ꧀ꦒꦫꦺꦁ)꧈ꦣꦼꦮꦼꦏꦼꦩ꧀ꦧꦸꦏꦏ꧀ꦝꦺꦱꦱꦶꦁꦱꦻꦏꦶꦣꦶꦪꦫꦤꦶꦣꦺꦱꦱꦸꦫꦺꦴꦣꦝꦶ꧈
꧋ꦏꦾꦻꦏꦗꦺꦴꦫꦤ꧀ꦩ꧀ꦧꦸꦏꦏ꧀ꦝꦺꦱꦱꦶꦁꦱꦻꦏꦶꦣꦶꦪꦫꦤꦶꦣꦺꦱꦧꦺꦴꦚ꧀ꦗꦺꦴꦂ꧈ꦏꦼꦕꦩꦠꦤ꧀ꦠꦼꦫꦺꦴꦤꦺꦴ꧉
꧋ꦱꦸꦠꦺꦴꦗꦺꦴꦪꦺꦴꦣꦼꦮꦼꦏꦼꦩ꧀ꦧꦸꦏꦏ꧀ꦝꦺꦱꦱꦶꦁꦱꦻꦏꦶꦣꦶꦪꦫꦤꦶꦣꦺꦱꦱꦼꦤ꧀ꦠꦸꦭ꧀ꦏꦼꦕꦩꦠꦤ꧀ꦒꦿꦶꦁꦱꦶꦁ꧉
꧋ꦩꦣꦸꦗꦺꦴꦪꦺꦴꦱꦏ꧀ꦠꦶꦣꦼꦮꦼꦏꦼꦩ꧀ꦧꦸꦏꦏ꧀ꦝꦺꦱꦱꦶꦁꦕꦼꦣꦏ꧀ꦏꦫꦺꦴꦣꦺꦱꦱꦸꦫꦺꦴꦣꦝꦶ꧈ꦱꦶꦁꦣꦶꦪꦫꦤꦶꦣꦺꦱꦩꦣꦸꦗꦺꦴꦪꦺꦴꦱꦏ꧀ꦠꦶ꧉ꦄꦩꦂꦒꦤꦭꦶꦏꦗꦩꦤ꧀ꦏꦺꦴꦭꦺꦴꦤꦶꦪꦭ꧀ꦮꦭꦤ꧀ꦝ꧈ꦣꦺꦱꦩꦣꦸꦗꦺꦴꦪꦺꦴꦱꦏ꧀ꦠꦶꦣꦶꦠꦼꦏꦤꦶꦮꦺꦴꦁꦮꦭꦤ꧀ꦝ꧈ꦄꦩꦂꦒꦮꦺꦴꦁꦮꦭꦤ꧀ꦝꦎꦫꦱꦼꦤꦼꦁꦪꦺꦤ꧀ꦗꦺꦤꦺꦁꦣꦺꦱꦏꦱꦺꦧꦸꦠ꧀ꦝꦶꦗꦸꦥꦸꦏ꧀ꦱꦏꦗꦺꦤꦺꦁꦮꦺꦴꦁ꧈ꦧꦚ꧀ꦗꦸꦂꦮꦭꦤ꧀ꦝꦒꦤ꧀ꦠꦶꦗꦺꦤꦺꦁꦣꦝꦶꦩꦣꦸꦒꦺꦴꦮꦺꦴꦁꦗꦠꦶ꧉
꧋ꦣꦼꦤꦶꦁꦩꦱꦾꦫꦏꦠ꧀ꦱꦼꦏꦶꦠꦂ꧈ꦪꦻꦏꦸꦩꦱꦾꦫꦏꦠ꧀ꦝꦺꦱꦩꦣꦸꦒꦺꦴꦮꦺꦴꦁꦗꦠꦶ꧈ꦩꦏꦩ꧀ꦩꦣꦸꦗꦺꦴꦪꦺꦴꦱꦏ꧀ꦠꦶꦱꦻꦏꦶꦮꦶꦱ꧀ꦝꦶꦧꦔꦸꦤ꧀ꦏꦤ꧀ꦛꦶꦒꦺꦴꦠꦺꦴꦁꦫꦺꦴꦪꦺꦴꦁꦏꦤ꧀ꦛꦶꦕꦸꦁꦏꦸꦥ꧀ꦆꦁꦱꦣꦸꦮꦸꦫꦺꦩꦏꦩ꧀ꦏꦤ꧀ꦛꦶꦄꦚ꧀ꦕꦱ꧀ꦱꦸꦥꦪꦩꦱꦾꦫꦏꦠ꧀ꦧꦶꦱꦔꦼꦭꦶꦔꦶꦗꦱꦗꦱꦣꦼꦮꦼꦏꦼꦏꦁꦒꦺꦴꦩ꧀ꦧꦸꦏꦏ꧀ꦈꦠꦮꦔꦿꦼꦱꦶꦏꦶꦣꦺꦱ꧉ꦩꦱꦾꦫꦏꦠ꧀ꦝꦺꦱꦩꦣꦸꦒꦺꦴꦮꦺꦴꦁꦗꦠꦶꦔꦿꦱꦱꦾꦸꦏꦸꦂꦩꦫꦁꦗꦱꦤꦺꦄꦩꦂꦒꦱꦻꦏꦶꦧꦶꦱꦔꦿꦱꦏꦏꦺꦠꦼꦠꦤꦺꦤ꧀ꦱꦶꦁꦱꦸꦧꦸꦂꦧꦔꦼꦠ꧀ꦱꦮꦃꦭꦤ꧀ꦱꦮꦃ꧈ꦈꦒꦧꦚꦸꦱꦶꦁꦄꦏꦺꦃꦱꦌꦁꦒꦱꦮꦃꦎꦫꦔꦭꦩꦶꦏꦼꦏꦼꦫꦶꦔꦤ꧀꧉