Tunggak jarak mrajak tunggak jati mati
(Kaelih saka Tunggak jarak mrajak, tunggak jati mati)
Paribasan tunggak jarak mrajak, tunggak jati mati iku tegesé turunané wong cilik dadi wong gedhé, turuné wong gedhé dadi wong cilik. Paribasan iki nggambaraké yèn akèh kadadéan anaké wong gedhé (sugih utawa pangkat dhuwur) sing lumrahé diugung, banjur dadi kesèd sinau saéngga tembé mburiné malah urip kesrakat. Suwaliké, anaké wong sing urip ana ing kaanan prihatin nanging sregep sinau lan temen nyambut gawé, tembé mburiné malah bisa suksès utawa dadi wong gedhè.