Toyohiko Kagawa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Toyohiko Kagawa
Lair 10 Juli 1888
Kobe, Jepang
Pati 23 April 1960
Kabangsan Jepang
Pakaryan Reformator sosial, aktivis pardamaian, aktivis buruh, pengabar Injil, panyerat

Toyohiko Kagawa inggih menika satunggalipun tokoh agami Kristen ing negari Jepang ingkang nggadhahi perhatian ingkang ageng tumrapipun swasana sosial ing wekdal gesangipun.[1][2] Wiwit taun 1909, Kagawa mutusaken badhe manggen sesarengan kaliyan tiyang ingkang mlarat ing satunggalipun dhaérah ingkang namanipun Shinkawa.[1][2] Kagawa manggen ing gubug dharurat kanthi ukuran 2x2 méter.[2] Kagawa lajeng nampung tiyang mlarat cacah sekawan sanèsipun ing gubug kasebat lan mbiyayeni pagesangan tiyang menika kanthi beasiswa ingkang panjenenganipun angsal saking pamaréntah kanggé studinipun Kagawa.[2] Sanajan gesang kanthi kangelan ing bab ekonominipun, Kagawa tetep nglajengaken studi teologinipun.[2]

Salah satunggalipun jasa Kagawa dhateng pamaréntah inggih menika ing bab mbudidaya ngicalaken kamlaratan.[2] Kagawa sampun neliti sacara èlmiah sabab-sabab kamlaratan, akibat-akibatipun, lan cara ngicalaken kamlaratan.[2] Asil panaliten kasebat dipunserat ing buku kanthi irah-irahan "Ilmu Jiwa babagan Kamlaratan" (The Psychology of Poverty).[1][2] Buku kasebat saged narik kawigaten pamaréntah Jepang saengga pamaréntah tansah mbudidaya ngicalaken dhaérah-dhaérah papan panggenanipun tiyang mlarat, ingkang ugi nggadhahi nama slum, lan nggantos dhaérah kasebat kanthi griya-griya ingkang mirah.[2]

Cathetan Suku[sunting | sunting sumber]

  1. ^ a b c (en)[Kudo Eiichi. 2001. "Kagawa, Toyohiko". In A Dictionary of Asian Christianity. Scott W. Sunquist, ed. 430-431. Grand Rapids, Michigan: William B. Eerdmans.]
  2. ^ a b c d e f g h i (id)[F.D. Wellem. 1987. Riwayat Hidup Singkat Tokoh-Tokoh dalam Sejarah Gereja. Jakarta: BPK Gunung Mulia. kaca 152-154.]

Pranala Njawi[sunting | sunting sumber]

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Toyohiko_Kagawa&oldid=832436"