Sandi asma

Sandi asma ya iku tetenger kang ora ngegla kang pancen disingidake, digawé wadi, disandi. Dadi tembung sandi ing kono teges wadi, mangka maune ateges: sambung, sambungan, gayut. Sandi ing kuna mung ateges sambung, ora béda karo tembung sendi ing basa Indonesia, nanging ing basa Jawa saiki wis lumrah ateges wadi, winadi. Wujuding sandi asma kaya ta: 1. Rong sagota warga sinuta. Iku ngemot asma Ranggawarsita. Mesti waé tulisan Jawa Rong= ra taling-tarung, ora Rang. 2. Borong angga sawarga mesi martaya. Iya isi Ranggawarsita. 3. Songsong gora candraning hartati....