Resèp Asli KFC
Resèp Asli KFC ya iku campuran adon-adon sing wadi sing dianggo KFC, jejaring griya dhahar saji rikat, nedya nggawé ayam gorèng.
Sujarah[besut | besut sumber]
Kala pungkasané taun 1930-an, pom bènsin ana ing Corbin, Kentucky duwèké Harland Sanders kondhang lantaran ayam gorèng gawéané. Jalaran iku pom bènsiné banjur dibongkar nuli ganti diyasa griya dhahar. Nalika mernahaké resèpé sing wadi sing isiné 11 bumbu, Sanders weruh manawa nggorèng ayam sarana wajan iku kesuwèn, bisa ngentèkaké 30 menit saben pesenan. Éwadéné, nggorèng kanthi ngelemaké ayam ing lenga sarana kranjang kawat butuh wektu saparoné, nanging ngasilaké gorèngan sing ora rata tur garing. Kala taun 1939, dhèwèké nuli weruh yèn nganggo panci prèsto bisa ngasilaké ayam sing empuk tur énak, déné suwéné nggorèng mung wolung tekan sangang menit.[1] Kala Juli 1940, Sanders ngrampungaké resèpé sing banjur kawentar ingaran Resèp Asli iku.[2]
Sawisé Sanders nglekasi waralaba ayam gorèngé kala taun 1950-an kanthi jeneng Kentucky Fried Chicken (Ayam Gorèng Kentucky), maskapéné milih ngirimaké bumbuné sing wadi iku menyang rèstoran-rèstorané amrih kajagané resèpé.[1] Dhèwèké ngendikan manawa ana uyah lan mrica sing dianggo ing resèpé lan kandha yèn adon-adoné "ana ing saben raké wong-wong".[3][4]
Sanders kawitané kondhang amarga nganggo lenga sayur nedya nggorèng ayam. Nalika taun 1993, awit alesan ékonomi, akèh warung KFC malih nganggo camborané lenga klentik lan lenga kedhelé. Ana ing Jepang, lenga sing dianggo wiyahé lenga wiji kapas lan lenga jagung sing luwih larang amarga KFC Jepang pitaya cara mangkono amrih kajagané kwalitèté rasané.[5]
Rujukan[besut | besut sumber]
- ↑ a b Whitworth, William (1970-02-14). "Kentucky-Fried". The New Yorker. Dibukak ing 18 April 2015.
- ↑ Schreiner, Bruce (23 July 2005). "KFC still guards Colonel's secret". Associated Press. Diarsip saka sing asli ing 4 October 2013. Dibukak ing 19 September 2013.
- ↑ Kleber, John E.; Thomas D. Clark; Lowell H. Harrison; James C. Klotter (June 1992). The Kentucky Encyclopedia. University Press of Kentucky. kc. 796. ISBN 0-8131-1772-0.
- ↑ Sanders, Harland (2012). The Autobiography of the Original Celebrity Chef (PDF). Louiseville: KFC. kc. 42.
- ↑ Okawara, Takeshi (1993). "Universality and particularity in globalization". Business Quarterly. 57 (4): 128–134.