Negara

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Negara kuwi sawijining wilayah ing bumi kang kakuwasan pulitik, militer, ekonomi, sosial lan budayané ditata déning pamaréntahan kang nan ing wilayah kasebut. Supaya bisa diarani minangka negara kudu ndarbèni rakyat, yaiku wong-wong kang nampa anané organisasi iki. Syarat liyané yakuwi anané wilayah tartamtu papan negara iku manggon. Bab liyané apa kang diarani kadhaulatan, yakuwi negara diakoni déning wargané minangka kang nyekel kakuwasan paling dhuwur ing wilayah panggonan negara.

Anané negara[sunting | sunting sumber]

Anané negara, kaya organisasi umumé, yakuwi kanggo nggampangké anggotané (rakyat) nggayuh tujuan utawa gegayuhané. Kepénginan iki dirumusaké jroning sawiji dokumen kang diarani Konstitusi, klebu ing jeroné nilai-nilai kang dipikul dhuwur déning rakyat minangka anggota negara. Minangka dokumen kang nyantumaké gegayuhan rakyat, maksud didegaké negara, Konstitusi minangka dokumen hukum paling dhuwur ing sawijining negara. Mulané konstitusi uga ngatur cara-cara nata negara. Konstitusi ing Indonesia diarani Undhang-Undhang Dhasar.

Pangertèn Negara miturut para ahli[sunting | sunting sumber]

  • George Jellinek
    Negara kuwi paguyuban kakwuasan saka seklompok manungsa kang wis manggon ing wilayah tartamtu.
  • George Wilhelm Friedrich Hegel
    Negara minangka paguyuban kasusilan kang muncul minangka sintesis saka kamardikan individual lan kamardikan universal
  • Krannenburg
    Negara kuwi sawijining opaguyuban kang timbul amarga ana kepénginan saka sawiji golongan utawa bangsané dhéwé.
  • Roger F. Soltau
    Negara kuwi alat utawa wewenang kanggo ngatur utawa ngendalèkaké persoalan bersama tumrap masyarakat.
  • Prof. R. Djokosoetono
    Negara kuwi sawijining paguyuban manungsa utawa kumpulan manungsa kang ana ing ngisor siji pamaréntahan kang padha.
  • Prof. Mr. Soenarko
    Negara kuwi paguyuban padunung kang ndarbèni daerah tartamtu, kang kakuwasan negara lumaku ing kana minangka sawijining kadhaulatan.

Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Negara&oldid=884339"