Deep Blue

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Deep Blue

Deep Blue iku sawijining komputer catur sing digawé déning IBM.

Deep Blue iku komputer pisanan sing menangaké sawijining dolanan catur nglawan sawijining jawara donya (Garry Kasparov) jroning wektu standar sawijining turnamèn catur. Kamenangan pisanané (jroning pertandhingan utawa babak pisanan) dumadi tanggal 10 Februari 1996, lan arupa dolanan sing misuwur banget. Nanging Kasparov banjur menangaké 3 pertandhingan liyané lan antuk asil remis ing 2 pertandhingan sabanjuré, saéngga ngalahaké Deep Blue kanthi asil 4-2.

Deep Blue banjur diupgrade manèh sacara gedhèn lan tandhing manèh nglawan Kasparov sasi Mei 1997. Jroning pertandhingan enem babak mau Deep Blue menang kanthi asil 3,5-2,5. Babak pungkasané rampung tanggal 11 Mei. Deep Blue dadi komputer pisanan sing ngalahaké jawara donya terus.

Komputer iki saiki wis "dipensiunaké" lan dipajang ing Muséum Nasional Sajarah Amérika (National Museum of American History), Amérika Sarékat.

Pirsani uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Deep_Blue&oldid=829431"