Charles Babbage

Saka Wikipédia Jawa, bauwarna mardika basa Jawa
Charles Babbage
On the economy of machinery and manufactures, 1835

Charles Babbage ya iku ilmuwan penemu mesin itung digital.[1] Mesin itung kang tinemu Charles Babbage ya iku salah sawijining piranti kang paling misuwur ing sajarah perkembangan komputer, lan minangka kalkulator otomatis kang wiwitan.[1] Mula dhèwèké sinebut Bapak Komputer.[1] Charles Babbage lair ing Southwark, London, tanggal 26 Dhésèmber 1791.[1] Bapake ya iku Benjamin Babbage ya iku sawijining pegawé bank.[1] Nalika isih cilih, dhèwèké wis seneng wulangan matematika.[1] Mula nalika dhèwèké sekolah ing Triniti Collage[1] taun 1811, biji matematikane paling apik dhéwé.[1] Malah, dhèwèké luwih pinter tinimbang gurune.[1] Nalika umuré 20 taun, Babbage nyambut gawé minangka ahli matematika, mligi ing babagan babagan fungsi kalkulus.[1] Taun 1816, dhèwèké dipilih dadi anggota Royal Society ya iku sawijining organisasi sains lan akademis independent ing Inggris Raya lan tokoh wigati ing Yayasan Astronomical Siciety, organisasi astronomi lan geofisika Inggris Raya taun 1920.[1] Taun 1821, Babbage nyipta sawijining mesin kang bisa nyusun tabel matematika kang dijenengi diffrence Engine.[1] Taun 1832, nalika dhèwèké nglengkapi mesin mau, Babbage nemu pamanggih ngenani mesi kang apik.[2] Mesin iki diarani Analytical Engine kang ateges mesin kang manipulasi simbol umum lan duwé karakter saka komputer modern.[2] Nanging karyané mau durung dikenal akèh wong, nanging nalika karya Babbage diterjemahake lan ditambah notes déning Ada Lovelace, karya Babbage langsung dikenal akèh wong.[2] Saliyané mesin itung, Babage uga duwé karya-karya lan panemon, ing antarané ya iku Babbage nyipta sistem post modern ing Inggris, nyusun tabel asuransi wiwitan kang bisa diandalake, nemu locomotive cowcather, ya iku struktur kang wujudé wajik kang ana ing pérangan ngarep kreta kang bisa ngresiki rel saka gangguan, lan sapanunggale.[3] Saliya iku, Babbage uga nyumbangake panyaruwe-panyaruwe sarta pemikiran ing babagan ékonomi lan pulitik.[3] Salah sawijiné penghargaan kang ditampa déning Babbage ya iku gelar The Lucasian Chair of Mathematics saka Universitas Cambridge.[3] Babbage tinggal donya ing London, tanggal 18 Oktober 1871.[3]

Cathetan suku[besut | besut sumber]

  1. a b c d e f g h i j k l [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 67]
  2. a b c [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 68]
  3. a b c d [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 69]