ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮ
꧋ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮꦆꦏꦸꦩꦶꦤꦁꦏꦏꦒꦶꦪꦠꦤ꧀ꦏꦁꦣꦶꦒꦼꦭꦂꦏꦁꦒꦺꦴꦔꦿꦼꦩ꧀ꦧꦸꦒ꧀ꦧꦧ꧀ꦠꦸꦮꦸꦃꦉꦩ꧀ꦧꦏ꧈ꦠꦠꦕꦫꦔꦸꦫꦶꦈꦫꦶ꧈ꦭꦤ꧀ꦥꦿꦏꦫꦏꦁꦒꦪꦸꦠ꧀ꦏ꧀ꦭꦮꦤ꧀ꦠꦠꦥꦤꦸꦭꦶꦱꦤ꧀ꦄꦏ꧀ꦱꦫꦗꦮ꧉ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮꦏꦁꦱꦼꦥꦶꦱꦤꦤ꧀ꦝꦶꦒꦼꦭꦂꦆꦁꦱꦿꦶꦮꦺꦣꦫꦶ꧈ꦱꦸꦫꦏꦂꦠꦆꦁꦠꦻꦴꦤ꧀꧇꧑꧙꧒꧒꧇꧈ꦤꦸꦭꦶꦤꦭꦶꦏꦗꦩꦤ꧀ꦥꦱ꧀ꦕꦏꦩꦂꦣꦶꦏꦤꦶꦁꦆꦤ꧀ꦝꦺꦴꦤꦺꦱꦶꦪꦏꦒꦺꦭꦂꦩꦤꦺꦃꦆꦁꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦠꦻꦴꦤ꧀꧇꧒꧐꧒꧑꧇꧉
ꦱꦗꦫꦃ[besut | besut sumber]
꧋ꦤꦭꦶꦏꦗꦩꦤ꧀ꦥꦿꦏꦩꦂꦣꦶꦏꦤ꧀ꦆꦤ꧀ꦝꦺꦴꦤꦺꦱꦶꦪ꧈ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮꦠꦻꦴꦏꦒꦺꦭꦂꦆꦁꦠꦻꦴꦤ꧀꧇꧑꧙꧒꧒꧇ꦩꦥꦤ꧀ꦆꦁꦱꦿꦶꦮꦺꦣꦫꦶ꧈ꦱꦸꦫꦏꦂꦠ꧉ꦏꦺꦴꦁꦒꦿꦺꦱ꧀ꦆꦏꦶꦣꦶꦠꦼꦏꦤꦶꦣꦺꦤꦶꦁꦱꦫꦺꦏꦠ꧀ꦒꦸꦫꦸ(ꦏꦁꦏꦣꦝꦺꦤ꧀ꦱꦏꦤꦺꦴꦂꦩꦄꦭ꧀ꦱ꧀ꦕ꧀ꦲꦺꦴꦎꦭ꧀ꦭꦤ꧀ꦏ꧀ꦮꦺꦪꦺꦏ꧀ꦱ꧀ꦕ꧀ꦲꦺꦴꦎꦭ꧀)꧈ꦱꦫꦺꦏꦠ꧀ꦧꦱꦗꦮ꧈ꦧꦭꦺꦥꦸꦱ꧀ꦠꦏ꧈ꦥꦩꦺꦁꦏꦸꦥꦿꦗ꧈ꦭꦤ꧀ꦮꦏꦶꦭ꧀ꦱꦏꦏꦫꦗꦤ꧀ꦥꦤꦺꦫꦸꦱꦶꦁꦩꦠꦫꦩ꧀ꦆꦱ꧀ꦭꦩ꧀(ꦣꦸꦩꦣꦶꦱꦏꦏꦫꦠꦺꦴꦤ꧀ꦏꦱꦸꦤꦤꦤ꧀ꦱꦸꦫꦏꦂꦠ꧈ꦏꦫꦠꦺꦴꦤ꧀ꦏꦱꦸꦭ꧀ꦠꦤꦤ꧀ꦔꦪꦺꦴꦒꦾꦏꦂꦠ꧈ꦏꦣꦶꦥꦠꦺꦤ꧀ꦩꦁꦏꦸꦤꦒꦫꦤ꧀꧈ꦭꦤ꧀ꦏꦣꦶꦥꦠꦺꦤ꧀ꦥꦏꦸꦮꦭꦩꦤ꧀)꧉ꦄꦚ꧀ꦕꦱꦶꦁꦏꦺꦴꦁꦒꦿꦺꦱ꧀ꦆꦏꦶꦏꦁꦒꦺꦴꦔꦶꦩ꧀ꦥꦸꦤ꧀ꦱꦮꦶꦗꦶꦤꦶꦁꦥꦤ꧀ꦝꦺꦴꦩ꧀ꦈꦠꦮꦥꦻꦴꦒꦺꦫꦤ꧀ꦠꦠꦥꦤꦸꦭꦶꦱꦤ꧀ꦄꦏ꧀ꦱꦫꦗꦮꦄꦮꦶꦠ꧀ꦄꦏꦺꦲꦺꦮꦺꦴꦁꦏꦁꦤ꧀ꦝꦸꦮꦺꦤꦶꦥꦤꦺꦩꦸꦣꦺꦮꦺꦣꦺꦮꦺꦧꦧ꧀ꦒꦒꦿꦒ꧀ꦥꦤꦸꦭꦶꦱꦤꦺꦄꦏ꧀ꦱꦫꦗꦮ꧈ꦏꦩꦁꦏꦤꦭꦶꦏꦆꦏꦸꦮꦶꦱ꧀ꦄꦏꦺꦃꦧꦧꦫꦤ꧀ꦕꦶꦛꦏ꧀ꦏꦁꦩꦶꦒꦸꦤꦏꦏꦺꦄꦏ꧀ꦱꦫꦗꦮ꧉ꦱꦮꦺꦠꦫꦠꦻꦴꦤ꧀ꦥꦸꦁꦏꦱꦤ꧀ꦄꦁꦒꦺꦴꦤꦺꦔꦶꦩ꧀ꦥꦸꦤ꧀ꦆꦁꦠꦻꦴꦤ꧀꧇꧑꧙꧒꧖꧇ꦏꦺꦴꦁꦒꦿꦺꦱ꧀ꦆꦏꦶꦔꦱꦶꦭꦏꦺꦮꦮꦠꦺꦴꦤ꧀ꦥꦚꦺꦫꦠꦶꦥꦸꦤ꧀ꦠꦼꦩ꧀ꦧꦸꦁꦗꦮꦶꦩꦮꦶꦱꦱ꧀ꦠꦿꦗꦮꦶꦣꦭꦱꦤ꧀ꦄꦁꦏꦈꦠꦮꦏꦁꦭꦸꦮꦶꦃꦏꦭꦺꦴꦏꦩꦶꦤꦁꦏꦮꦼꦮꦠꦺꦴꦤ꧀ꦱꦿꦶꦮꦺꦣꦫꦶ꧉[1]
꧋ꦫꦶꦏꦭꦗꦩꦤ꧀ꦱꦮꦶꦱꦺꦆꦤ꧀ꦝꦺꦴꦤꦺꦱꦶꦪꦩꦂꦣꦶꦏ꧈ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮꦏꦒꦺꦭꦂꦩꦤꦺꦃꦠꦁꦒꦭ꧀꧇꧒꧒꧇ꦔꦤ꧀ꦠꦶ꧇꧒꧖꧇ꦩꦉꦠ꧀꧇꧒꧐꧒꧑꧇ꦆꦁꦏꦧꦸꦥꦠꦺꦤ꧀ꦱ꧀ꦭꦺꦩꦤ꧀꧈ꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ꧉[2]ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮ꧇꧑꧇ꦆꦏꦶꦣꦶꦠꦼꦏꦤꦶꦥꦫꦮꦶꦤꦱꦶꦱ꧀ꦱꦂꦗꦤ꧈ꦥꦿꦏ꧀ꦠꦶꦱꦶ꧈ꦩꦱꦫꦏꦠ꧀ꦈꦩꦸꦩ꧀ꦗꦸꦫꦸꦧꦸꦣꦪ꧈ꦧꦶꦫꦺꦴꦏꦿꦠ꧀ꦮꦏꦶꦭ꧀ꦱꦏꦈꦤꦺꦱ꧀ꦕꦺꦴ꧈ꦩꦤ꧀ꦠꦿꦶꦮꦶꦪꦠ꧈ꦒꦸꦧꦼꦂꦤꦸꦂꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦭꦤ꧀ꦗꦮꦠꦼꦔꦃ꧉ꦒꦼꦒꦪꦸꦲꦤꦶꦁꦒꦼꦭꦫꦤ꧀ꦆꦏꦶꦪꦻꦏꦸꦏꦁꦒꦺꦴꦔꦿꦼꦩ꧀ꦧꦸꦒ꧀ꦧꦧꦒꦤ꧀ꦱꦪꦱꦶꦠꦶꦲꦶꦏꦺꦠꦿꦥ꧀ꦠꦿꦥꦤ꧀ꦭꦤ꧀ꦱꦱ꧀ꦠꦿꦗꦮꦩꦮꦄꦏ꧀ꦱꦫꦗꦮ꧈ꦥꦻꦴꦒꦺꦫꦤ꧀ꦄꦭꦶꦃꦄꦏ꧀ꦱꦫꦗꦮꦩꦼꦚꦁꦲꦸꦫꦸꦥ꦳꧀ꦭꦠꦶꦤ꧀ꦭꦤ꧀ꦠꦠꦕꦫꦣꦶꦒꦶꦠꦭꦶꦱꦱꦶꦄꦏ꧀ꦱꦫꦗꦮ꧉[3]ꦱꦭꦶꦪꦤꦺꦆꦏꦸ꧈ꦆꦁꦏꦺꦴꦁꦒꦿꦺꦱ꧀ꦆꦏꦶꦈꦒꦔꦿꦼꦩ꧀ꦧꦸꦒ꧀ꦥꦿꦏꦫꦥꦻꦴꦒꦺꦫꦤ꧀ꦠꦠꦥꦤꦸꦭꦶꦱꦤ꧀ꦄꦏ꧀ꦱꦫꦗꦮꦏꦁꦭꦸꦩꦿꦃꦣꦶꦥꦶꦒꦸꦤꦏꦏꦺꦣꦺꦤꦶꦁꦩꦱꦫꦏꦠ꧀ꦗꦮ꧉ꦠꦠꦥꦤꦸꦭꦶꦱꦤ꧀ꦆꦏꦸꦄꦤꦩꦤꦺꦏꦮꦂꦤꦗꦶꦤꦶꦱꦺ꧈ꦆꦁꦄꦤ꧀ꦠꦫꦤꦺꦪꦻꦏꦸꦮꦼꦮꦠꦺꦴꦤ꧀ꦱꦿꦶꦮꦺꦣꦫꦶꦄꦱꦶꦭꦶꦁꦏꦺꦴꦁꦒꦿꦺꦱ꧀ꦠꦻꦴꦤ꧀꧇꧑꧙꧒꧒꧇[4], ꦩꦂꦢꦶꦏꦮꦶꦄꦁꦒꦶꦠꦤꦺꦮ.ꦗ.ꦱ.ꦥꦸꦂꦮꦢꦂꦩꦶꦤ꧀ꦠ[5],ꦭꦤ꧀ꦥꦼꦣꦺꦴꦩꦤ꧀ꦥꦼꦤꦸꦭꦶꦱꦤ꧀ꦄꦏ꧀ꦱꦫꦗꦮꦮꦼꦠꦺꦴꦤ꧀ꦱꦏꦏꦺꦴꦁꦒꦿꦺꦱ꧀ꦧꦱꦗꦮ꧉ꦄꦱꦶꦭ꧀ꦥꦸꦠꦸꦱꦤ꧀ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮ꧇꧑꧇ꦆꦏꦶꦄꦚ꧀ꦕꦱꦺꦄꦩꦿꦶꦃꦧꦶꦱꦔꦿꦩ꧀ꦥꦸꦔꦶꦒꦺꦱꦺꦲꦤ꧀ꦆꦁꦄꦤ꧀ꦠꦫꦤꦺꦱꦮꦺꦠꦫꦥꦻꦴꦒꦺꦫꦤ꧀ꦆꦏꦸꦩꦻꦴ꧉
ꦥꦸꦠꦸꦱꦤ꧀ꦮꦶꦒꦠꦶ[besut | besut sumber]
꧋ꦏꦺꦴꦁꦒꦿꦺꦱ꧀ꦄꦏ꧀ꦱꦫꦗꦮ꧇꧑꧇ꦏꦁꦏꦒꦺꦭꦂꦆꦁꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦠꦁꦒꦭ꧀꧇꧒꧒꧇ꦔꦤ꧀ꦠꦶ꧇꧒꧖꧇ꦩꦉꦠ꧀꧇꧒꧐꧒꧑꧇ꦣꦸꦩꦣꦶꦱꦏꦥꦠꦁꦏꦸꦩꦶꦱꦶ꧉ꦱꦧꦼꦤ꧀ꦏꦸꦩꦶꦱꦶꦔꦱꦶꦭꦏꦺꦱꦮꦺꦤꦺꦃꦥꦸꦠꦸꦱꦤ꧀ꦏꦁꦮꦶꦒꦠꦶ꧉ꦏꦸꦩꦶꦱꦶ꧇꧑꧇ꦤꦼꦠꦼꦥꦏꦺꦥꦻꦴꦒꦺꦫꦃꦄꦭꦶꦃꦄꦏ꧀ꦱꦫꦗꦮꦩꦼꦚꦁꦲꦸꦫꦸꦥ꦳꧀ꦭꦠꦶꦤ꧀ꦏꦁꦣꦶꦪꦫꦤꦶꦗ꧀ꦒ꧀ꦱ꧀ꦠ꧀(ꦗꦮ꦳ꦤꦺꦱꦺꦒꦼꦤꦼꦫꦭ꧀ꦱ꧀ꦪ꧀ꦱ꧀ꦠꦼꦩ꧀ꦎꦥ꦳꧀ꦠꦿꦤ꧀ꦱ꧀ꦭꦶꦠꦺꦫꦠꦶꦪꦺꦴꦤ꧀)꧈ꦄꦭꦶꦃꦄꦏ꧀ꦱꦫꦗꦮꦩꦼꦚꦁꦥꦺꦒꦺꦴꦤ꧀ꦭꦤ꧀ꦥꦸꦗ꧀ꦭ꧀(ꦥꦼꦣꦺꦴꦩꦤ꧀ꦈꦩꦸꦩ꧀ꦗꦮꦭꦠꦶꦤ꧀)꧉ꦏꦸꦩꦶꦱꦶ꧇꧒꧇ꦤꦼꦠꦼꦥꦏꦺꦥꦻꦴꦒꦺꦫꦤ꧀ꦠꦠꦥꦤꦸꦭꦶꦱꦤ꧀ꦄꦏ꧀ꦱꦫꦗꦮꦏꦁꦣꦸꦩꦣꦶꦱꦏꦫꦺꦴꦁꦕꦫ꧈ꦪꦻꦏꦸꦕꦫꦥꦿꦱꦗꦤ꧀(ꦱꦶꦩ꧀ꦥ꧀ꦭꦶꦥ꦳ꦶꦪꦺꦣ꧀)ꦭꦤ꧀ꦕꦫꦭꦮꦱꦤ꧀(ꦠꦿꦣꦶꦠꦶꦪꦺꦴꦤꦭ꧀)꧉[6][7]ꦏꦸꦩꦶꦱꦶ꧇꧓꧇ꦤꦼꦠꦼꦥꦏꦺꦥꦻꦴꦒꦺꦫꦤ꧀ꦠꦠꦭꦺꦴꦏꦥꦥꦤ꧀ꦠꦶꦏ꧀ꦄꦏ꧀ꦱꦫꦗꦮꦏꦁꦣꦶꦪꦫꦤꦶꦤꦠ꧀āꦏ꧀ꦱꦫꦭꦤ꧀ꦕꦏꦿꦶꦏ꧀ꦄꦏ꧀ꦱꦫꦗꦮ꧉ꦮꦺꦴꦤ꧀ꦝꦺꦤꦼꦏꦸꦩꦶꦱꦶ꧇꧔꧇ꦔ꧀ꦒꦮꦺꦠꦶꦩ꧀ꦏꦁꦩ꧀ꦭꦶꦒꦶꦔꦮꦭ꧀ꦄꦱꦶꦭ꧀ꦥꦸꦠꦸꦱꦤꦶꦁꦏꦺꦴꦁꦒꦿꦺꦱ꧀ꦔꦤ꧀ꦠꦶꦠꦶꦠꦶꦮꦚ꧀ꦕꦶꦤꦶꦁꦣꦶꦮꦸꦗꦸꦣꦏꦺꦫꦺꦒꦸꦭꦱꦶ꧉ꦏꦗꦧꦆꦏꦸ꧈ꦏꦸꦩꦶꦱꦶ꧇꧔꧇ꦈꦒꦤꦼꦠꦼꦥꦏꦺꦥꦿꦤꦠꦤ꧀ꦏꦁꦒꦪꦸꦠ꧀ꦏꦭꦮꦤ꧀ꦧꦧꦒꦤ꧀ꦧꦶꦫꦺꦴꦏꦿꦱꦶ꧈ꦥꦸꦧ꧀ꦭꦶꦏ꧀ꦭꦤ꧀ꦄꦏꦣꦺꦩꦶꦏ꧀꧉[6]
ꦈꦒꦢꦼꦊꦔꦼꦤ꧀[besut | besut sumber]
ꦫꦸꦗꦸꦏꦤ꧀[besut | besut sumber]
- ↑ Instituut, Java. Pusaka Jawi - 1926-05 (ing basa Jawa).
- ↑ "Kongres Aksara Jawa I Digelar, Bumikan Kembali Aksara Jawa - Berita | Portal Pemda DIY". jogjaprov.go.id (ing basa Indonesia). Diarsip saka sing asli ing 2021-04-13. Dibukak ing 2021-04-13.
- ↑ "Lama Mati Suri, Kongres Aksara Jawa Bakal Kembali Digelar di Yogya". merdeka.com (ing basa Inggris). 2021-03-20. Dibukak ing 2021-04-13.
- ↑ Kumisi Kasusastran ing Sriwedari (Surakarta) (1926). Wewaton Sriwedari. Weltevreden : Landsdrukkerij.
- ↑ ꦮ. ꦗ. ꦱ. ꦥꦸꦂꦮꦢꦂꦩꦶꦤ꧀ꦠ (1931). ꦱꦼꦫꦠ꧀ꦩꦂꦢꦶꦏꦮꦶ. Solo : Stoomdrukkerij De Bliksem.
- ↑ a b Andriadi, Rully (2021-03-31). "Siaran pers terkait keputusan Kongres Aksara Jawa I — Grand Mercure, 22-26 Maret 2021". Kedaulatan Rakyat. Lingkar Yogya. kc. 9.
- ↑ "Aksara Jawa Anjayeng Bawana" (PDF). Sempulur : kalawarti mbangun bangsa lumantar budaya. Nomer: 40/I-2021. Yogyakarta: Dinas Kebudayaan (Kundha Kabudayan) Daerah Istimewa Yogyakarta. 2021. kc. 13. OCLC 777758731.
...pinara wonten kalih pérangan, inggih punika cara lawasan (traditional), lan kanthi cara prasajan (simplified).