Yusra Mardini

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Yusra Mardini ing taun 2016

Yusra Mardini (lair 5 Maret 1998) iku sawijining juru nglangi saka Suriah sing saiki manggon ing Berlin, Jerman. Dhèwèké iku ngungsi saka nagarané lan nalika Olimpiade in Rio de Janeiro 2016 ngwakili tim cilik Atlit Pangungsi Olimpiade.[1]

Ngungsi saka Suriah menyang Jerman[besut | besut sumber]

Déné Perang sadulur ing Suriah, Yusra Mardini ngungsi karo mbakyuné Sara (sing uga anggota tim nasional nglangi Suriah) in taun 2015 saka Damaskus, ngliwati Beirut, Istanbul lan Izmir menyang Éropah. Ing Izmir dhèwèké numpak prau nyebrangi Sagara Égéa menyang Pulo Lesbos. Nalika nyebrang, prauné sing sajatiné namung kanggo isi pitung wong nanging dileboni 18 wong, mandheg mesiné lan arep klelep. Banjur Yusra kakang adhi lan wong loro liyané nyurung prau iki nganti tekan pasisir Pulo Lesbos. Sawisé iku dhèwèké mlaku saka dharatan Yunani menyang Wina, München lan pungkasané Berlin.[2][3] Ing Berlin Yusra banjur latihan ing Klub ulahraga nglangi Wasserfreunde Spandau 04. Carita olèhé ngungsi sing nreyuhaké ati ndadèkaké awaké digatèkaké wong sadonya.

Rékor[besut | besut sumber]

  • Rékor nasional Suriah ing 400 m gagrag bébas sajeroning 4:56,66 menit, 14 Desember 2012 ing Istanbul.

Réferènsi[besut | besut sumber]

Pranala njaba[besut | besut sumber]