Yoram Bilu
Yoram Bilu ya iku salah siji ahli antropologi saka Tel Aviv, Israèl kalahiran taun 1942[1]. Bilu olèh pendhidhikan sarjana (BA) (1968), pasca sarjana (MA) (1971), lan doktor (Ph.D.) (1979) ana ing pawiyatan luhur kang padha ya iku The Hebrew University of Jerusalem, Yérusalem, Israèl[2][3]. Bilu nglakoni panlitian antroologiné ing wewengkon Israel kaya déné Yahudi Maroko ing Yérusalem (1974) lan Yérusalem lor (1990). Karya-karya tulisané Bilu kang wis diterbitké iku antarané ‘The taming of the deviants and beyond: an analysis of Dybbuk possession and exorcism in Judaism’, The Psychoanalytic Study of Society (1985) lan Without Bounds: The Life and Death of Rabbi Ya’aqov Wazana (2000)[1]. Bilu ngutamaké fokus panlitiané ing prakara psiko-kultural agama, kaya ta sekola ultra-ortodoks lan Yahudi Maroko[2]. Bilu duwé pisumbangan kang penting ing Israèl, mligi bab manifestasi praktik imigran Yahudi Maroko ing Israèl lan prakara liyané kang ana hubungané karo yahudi[1].
Rujukan[besut | besut sumber]
- ↑ a b c Amit, Vered (2004). Biographical dictionary of social and cultural anthropology. London: Routledge. kc. 76. ISBN 020364459X. OCLC 436848672.
- ↑ a b "Prof. Yoram Bilu". Buber Fellows. Dibukak ing 2017-12-04.
- ↑ "Prof. Yoram Bilu". The Israel Academy of Sciences and Humanities. Dibukak ing 2017-12-04.