Wikipedia:Tutorial (Nata format)

Saka Wikipédia Jawa, bauwarna bébas abasa Jawa
WikipediaTutorial.png
Artikel iki bagéan saka
Tutorial Wikipedia
Kaca tutorial...

Kaca ngarep
Panyuntingan
Nata format
Pranala Wikipedia
Pranala situs kagandhèng
Pranala njaba
Kaca dhiskusi
Élingana
Pandaftaran
Ruang jeneng
Info sabanjuré

Delengen uga...

Daftar isi pitulung

Pranata format wis akèh diayahi sacara otomatis déning markup Wiki, saéngga panjenengan ora kudu nyinaoni HTML.

Markup Wiki[besut sumber]

Nulis artikel Wikipedia rada béda karo nulis ing pengolah tembung sing standar. Yèn ing pengolah tembung umumé panjenengan ngetik kayadéné kang kacetha ing layar (utawa misuwur diarani WYSIWIG), wiki migunakaké kodhe-kodhe prasaja kanggo nata format. Cara iki mèmper karo panulisan HTML ing kaca web, nanging kodhe iki luwih prasaja.

Wiki bisa nampa sawetara tag HTML sacara langsung, nanging umumé wong migunakaké ringkesan Basa markah MediaWiki utawa sing luwih pepak ing kaca Markah Wiki kang wis sumadya (built-in), kang dirancang kanggo nggampangaké panyuntingan.

Kandel lan miring[besut sumber]

Tag wiki kang paling akèh dianggo yakuwi kanggo gawé panulian tembung kang dicithak kandel lan miring. Carané yakuwi kanthi ngapit tembung (utawa frase) kang arep diformat mau nganggo tandha kutip tunggal/apostrof ('):

  • ''miring'' bakal katon miring. (2 apostrof ing ngarep lan mburi tembung)
  • '''kandel''' bakal katon kandel. (3 apostrof ing ngarep lan mburi tembung)
  • '''''kandel miring''''' bakal katon kandel miring. (5 apostrof ing ngarep lan mburi tembung)


Sawijining konvènsi Wikipedia nata yèn kudu ngandelaké irah-irahan artikel nalika ditulis jroning paragraf pisanan. Upamané, artikel Jawa Tengah diwiwiti kanthi:

Jawa Tengah kuwi sawijining provinsi kang dumunung ing bagéan tengah Pulo Jawa...


Konvénsi Wikipedia liyané yakuwi kanggo gawé miring jeneng irah-irahan buku, film, sarta video game. Yèn irah-irahan mau disebut ing paragraf pisanan artikel, banjur dipigunakaké kandel miring. Upamané, artikel The Lord of the Rings diwiwiti kanthi:

The Lord of the Rings kuwi saga fantasi epik kang ditulis déning panulis asal Britania J. R. R. Tolkien.

Seksi lan subseksi[besut sumber]

Sawijining kaca bisa dumadi saka sawetara seksi lan subseksi. Upamané, artikel Jawa Tengah isi seksi-seksi kayadéné "Geografi", "Sajarah", "Demografi", lan sapanunggalané. Nggawé seksi ing artikel gampang banget, yakuwi kanthi ngapit irah-irahan seksi nganggo tandha "=" (padha karo).

Seksi lan subseksi bisa digawé nganggo cara:

  • ==Seksi== (2 tandha "padha karo")
  • ===Subseksi=== (3 tandha "padha karo")
  • ====Sub subseksi==== (4 tandha "padha karo")

Yèn artikel dumadi saka sethithiké patang seksi, sawijining tabel daftar isi sacara otomatis bakal muncul. Cobanen latihan gawé seksi ing kaca Kothak wedhi.

Indentasi[besut sumber]

Indentasi kuwi sawijining paragraf kang wates kiwané rada mlebu menjero kaca. Indentasi biasané dipigunakaké ing "Kaca guneman". Indentasi dipratélakaké kanthi luwih rinci ing Bab 6 tutorial iki.

Corak format Wikipedia[besut sumber]

Panjenengan manawa bisa nemokaké gagasan bab corak format Wikipedia standar ing annotated article.

Jajalen Kothak wedhi sasenengé, banjur terusaké tutorial iki.