Wikipedia:Tembung silihan

Saka Wikipédia Jawa, bauwarna mardika basa Jawa
Jump to navigation Jump to search

Kaca iki minangka kaca jujugan manawa panjenengan nemoni tembung-tembung manca kang durung ana cara Jawané ing bausastra-bausastra Jawa. Ing kaca iki panjenengan katuntun supaya bisa njawakaké tembung-tembung mau miturut fonologi basa Jawa.

Miturut aturan ing Pedoman Umum: Ejaan Bahasa Jawa Huruf Latin yang Disempurnakan, tembung manca bisa kalebokaké ing basa Jawa kanthi 2 cara.

(1) Kalarasaké marang éjaan basa Jawa
Conto: riset, turné, aki, persèn, amatir
(2) Kasilih wutuh (tanpa ngowahi éjaan asliné), nanging katulis miring
Conto: make up, drop out, headphone

Paugeran ngréka tembung[besut sumber]

Ing Wikipédia Jawa, tembung manca kang durung ana cara Jawané bisa kajawakaké kanthi cara ngréka tembung anyar saka tembung-tembung kang wis ana ing basa Jawa, Jawa Kuna, utawa Sangsekreta.

  • autoreview (Ing.) dadi swapriksa
  • bookmark (Ing.) dadi tenger buku
  • casefire (Ing.) / gencatan senjata (Ind.) dadi sèlèh gegaman
  • namespace (Ing.) dadi mandala aran
  • privacy (Ing.) dadi pangayoman dhiri
  • suicide bombing (Ing.) / bom bunuh diri (Ind.) dadi bom nganyut tuwuh

Paugeran njupuk tembung[besut sumber]

Tembung manca uga bisa kajawakaké kanthi cara njupuk tembung saka basa Jawa Kuna utawa Sangsekerta banjur kalarasaké ing éjaan basa Jawa.

  • Bangladesh (Ing.) dadi Banggaladésa
  • hydrophobia (Ing.) dadi jalatrasa
  • military strategy (Ing.) dadi kartisampéka