Wikipédia:Gumedhé

Saka Wikipédia Jawa, bauwarna mardika basa Jawa

Senadyan Wikipedia bisa dipigunakaké lan disunting déning sapa waé, nanging Wikipedia minangka sawijining proyèk ensiklopedia tetep nyekel prinsip supaya mempertahanaké kaakuratan lan kalayakan isi. Kaca ini khusus dipigunakaké minangka panduan kanggo nemtokaké topik utawa isi apa waé sing klebu kategori minangka informasi utawa kaca vanitas. Vanitas bisa dimaknani nonjolaké dhiri pribadi utawa promosi pribadi panulis utawa anggota kulawarga liyané saka si panulis. Senadyan vanitas dudu aksi vandal nanging tetep ngandhut unsur "ora layak" utawa "ora wigati" kanggo dilebokna jroning Wikipedia.

Wikipedia dudu blog saéngga sapa waé bisa nampilaké data pribadi. (waca Wikipedia dudu ...).

Cara nemtokaké informasi vanitas?[besut sumber]

Sadurungé panjenengan nulis sawijining artikel ngenani dhiri panjenengan dhéwé utawa salah siji kerabat panjenengan, takonké pitakonan iki marang dhiri panjenengan dhéwé "Apa aku cukup dikenal?", "Apa biografiku cukup layak kanggo ditulis ing ensiklopedia?". Pamaos liya bisa uga takon "Sapa dhèwèké kuwi? Sapa sih wong iki?".

Panata Wikipedia bisa cepet mbusak artikel-artikel kaya iki, sawisé ngertèni yèn artikel-artikel kasebut klebu unsur vanitas.

Yèn panjenengan tetep ngotot kepingin nglebokaké data pribadi panjenengan, panjenengan bisa nglebokaké jroning kaca naraguna panjenengan sawisé Panjenengan ndaftar. Ananging tetep waé panjenengan ora kena ndadèkaké Wikipedia minangka situs blog. Mung data-data sacukupé supaya naraguna liya bisa ngenal panjenengan. Informasi ngenani ing ngendi panjenengan tau nyambut gawé upamané, ora perlu dilebokaké. Wikipedia dudu papan parusahan golèk kandidat pegawai.

Conto informasi vanitas[besut sumber]

Andre Sadhéngah Wong

Andre Sadhéngah Wong, 30 taun iku karyawan swasta sing nyambut gawé ing PT. ABCDEF ing Jakarta. Hobiné bal-balan, lan badminton. Hobi mangsa cilikan dadi pilot, nanging saiki duwé cita-cita dadi koki.
Panjelasan
Komunitas Wikipedia ora nentang pribadi Andre Sadhéngah Wong, nanging informasi pribadiné, kagiatané ora wigati, ora nduwèni aji lan ora mupangati tumrap Wikipedia.

Kagiatan ekstrakurikuler mènèk tebing SMU Negeri 98766

SMU Negeri 98766 saben minggu nganakaké kagiatan ekstrakurikuler mènèk tebing. Wis sawetara tebing sing tau dipènèk antara liya, Tebing Tinggi, Tebing Cendhèk lan Tebing Cendhèk Banget. Kagiatan ekstrakurikuler iki diketuani déning Sedulur Apel, lan wakil ketuané Sedulur Tomat.
Panjelasan
Ora perlu dijelasaké luwih jero yèn informasi kaya ini ora nduwèni kagunan tumrap Wikipedia. Organisasi panjenengan manawa wigati kanggo komunitas panjenengan, nanging apa cukup aji tumrap komunitas umum?

Deleng uga[besut sumber]