Wikipédia:Ayo pertalana!

Saka Wikipédia Jawa, bauwarna mardika basa Jawa
Kaca iki panuntun kanggo sapa waé, nanging mligi kanggo sukarilawan anyar sing péngin ngéwangi mertal artikel saka Wikipédia manca menyang Wikipédia Jawa.

Sugeng rawuh[besut sumber]

Halo!

Sapa waé kasumanggakaké nganggo kontèn Wikipédia kanthi awèh atribusi sing trep. Sanadyan ta mangkono, awak dhéwé asring gregeten yèn ngonangi sawijining artikel ana ing Wikipédia manca, nanging ora ana ing Wikipédia Jawa. Mula, awak dhéwé bungah banget yèn ana sukarilawan sing ngéwangi kanthi mertal artikel saka Wikipédia liya menyang Wikipédia iki saperlu ngisi samubarang sing isih kosong ing Wikipédia Jawa iki.

Sadurungé miwiti[besut sumber]

Sadurungé miwiti mertal artikel, tulung disinau dhisik dhasar-dhasaring mbesut Wikipédia. Mliginé, gatèkaké pancasaka, utawa paugeran sing nuntun awak dhéwé anggoné makarya ing kéné.

Sing bisa panjenengan éwangi[besut sumber]

  1. Ndhaftara Wikipédia kanthi nggawé akun (ora wajib, nanging bakal migunani).
  2. Golèken artikel sing cocog, ya iku ana ing Wikipédia manca (bébas), nanging ora ana ing Wikipédia Jawa (utawa ana ing Wikipédia Jawa, nanging sing isih awujud rintisan).
  3. Pertalana artikel Wikipédia saka basa manca menyang basa Jawa. Panjenengan bisa nggarap pertalané ing pambesutan tèks (text editor) utawa ing panggarapan tembung (word processor). Aja nganggo piranti kaya ta Google Translate.
  4. Ing Wikipédia Jawa, menyanga ing kaca tujuan (yèn wis ana lan awujud rintisan) utawa isènana sesirah artikel sing dikarepaké ing kothak panggolèkan. Sabanjuré, kliken tombol sing tinengeran "gawé" utawa "besut". Manawa panjenengan durung mlebu log, bokmanawa panjenengan ora diidinaké nggawé artikel. Samangsa sing mangkono kadadèn, nyuwuna panata supaya nggawèkaké artikelé, utawa gagé gawéa akun waé.
  5. Dèkèken pertalané panjenengan ing kaca tujuan. Tekan kéné, aja kuwatir ngenani format-formaté.
  6. Simpen kacané, lan awèha ringkesané besutan sing nerangaké yèn panjenengan mertal artikel saka Wikipédia manca. Panjenengan kudu wuwuh pranala interwiki sing ngener artikel sumber, saperlu ngajèni marang sing nulis asliné. Contoné tulisan ringkesan besutan kaya mangkéné:
    Kontèn iki asalé saka artikel ing Wikipédia Inggris [[:en:Sesirah artikel]]; deleng sajarah saperlu awèh atribusi. Formaté tembé arep digarap..
  7. Menyanga wilah sisih (sidebar) lan kliken "Tambah pranala" utawa "Besut pranala" (ing Wikipédia Jawa). Isènana "en" utawa liyané minangka basa sing dadi sumberé kontèn, lan sesirahé kaca sing panjenengan pertal, banjur kliken "Gayutaké kaca".
  8. Kanggo ngiras pantes, dandanana manèh garapané panjenengan mau kanthi ngrapèkaké tata rakité lan nambahi pranala, bab, lan gambar. Manawa panjenengan arep nambah cithakan, mangga tambahana. (Sing perlu dicathet, cithakan kaya ta Kothakinfo (Infobox) istilahé bisa béda ing Wikipédia manca, lan ora bisa disalin apa anané saka Wikipédia siji menyang liyané. Tilikana ing artikel sing panjenengan garap ana-orané cithakan ing Wikipédia Jawa.)
  9. Simpena manèh, lan isènana ringkesan besutané manèh sing trep.
  10. Tiliki lan dandani manèh samangsa perlu.

Nuwun!

Tembayatan ing klas[besut sumber]

Wikipedia tinarbuka marang mahasiswa sing gelem urun daya mbesut artikel. Mertal artikel iku cocog mungguh ing mahasiswa. Pamrayogané awak dhéwé ya iku mahasiswa padha mertala saka basa sing lagi disinau, menyang basa sing wis padha lanyah.

Pambudidaya kaya mangkono bisa njalari mahasiswa antuk pangalaman langsung tur migunani babagan pertal-pinertal awit karyané bakal diwaca déning éwonan wong sing maca Wikipédia. Sing mangkono uga migunani mungguhing wong sing maca awit padha antuk aksès menyang informasi ngenani wong lan budaya liya.

Kothak naraguna[besut sumber]

{{Naraguna pamertal}} iku kanggo nyatakaké sedyané panjenengan mertal utawa ngorèksi pertalan lan mèluné panjenengan ing proyèk iki:

{{Naraguna pamertal|es}} ngasilaké:
Basa Jawa
Basa Spanyol
Naraguna iki juru pertal saka basa Spanyol menyang basa Jawa ing Wikipedia:Ayo pertalana!.
{{Naraguna pamertal|hi|proofreader=yes}} ngasilaké:
Basa Jawa
Basa Hindhi
Naraguna iki juru pertal lan juru pamriksa pertalan saka basa Hindhi menyang basa Jawa ing Wikipedia:Ayo pertalana!.
{{Naraguna pamertal|ar|project=no}} ngasilaké:
Basa Jawa
Basa Arab
Naraguna iki seneng mertal artikel saka basa Arab menyang basa Jawa.
{{Naraguna pamertal|de|proofreader=yes|project=no}} ngasilaké:
Basa Jawa
Basa Basa Jerman
Naraguna iki seneng mertal lan ndandani pertalané artikel saka basa Basa Jerman menyang basa Jawa.

Sawisé ndèkèk cithakan iki ing kaca naraguna, kacané bakal kalebokaké ing anak kategori sing trep Kategori:Juru pertal ing Wikipédia. Yèn atribut proofreader disetèl 'yes', kacané uga bakal kalebokaké ing anak kategori Kategori:Juru pamriksa pertalan ing Wikipédia.