Wikipédia:Artikel pilihan/2014 07

Saka Wikipédia Jawa, bauwarna mardika basa Jawa

Lara gorokan streptokokus (Basa Indonésia: Faringitis streptokokus) yaiku penyakit sing disebabake dening bibit lelara kasebut “gugus bakteri streptokokus A”.Lara gorokan jinis iki namani gorokan, amandel (kelenjar sing cacahe loro wujude lonjong ing gorokan, ing mburi cangkem), lan bisa uga kothak swara (laring). Gejala umum kalebu panas, lara gorokan (uga sinebut pancingen), lan abuhing kelenjar (sinebut kelenjar getah bening) ing gulu. Lara gorokan Streptokokus nyebabake 37 kasus lara gorokan sing kedadeyan marang bocah cilik

Lara gorokan Streptokokus nyebar lumantar senggolan raket karo panandhang. Supaya 100 persen yakin yen wong ketaman lara gorokan Streptokokus, sawijining tes sinebut kultur gorokan prelu dilakoni. Ewasemono, tanpa tes kasebut, kasus sing memper lara gorokan mengkono bisa ditemtokake saka gejala sing tuwuh. Ing kasus-kasus sing memper utawa wis pesthi, antibiotik (obat sing mbrastha bakteri) bisa nyegah penyakit mundhak parah lan bisa nyepetake kasarasan.

Lara gorokan Streptokokus disebabake dening bibit lelara (utawa bakteri) sinebutStreptokokus gugus A beta-hemolitik utawa group A beta-hemolytic streptococcus (GAS). Bibit lelara liya uga bisa nyebabake pancingen. Lara gorokan Streptokokus nyebar langsung saka senggolan raket karo panandhang. Wong akeh sing nglumpuk dadi siji ing saenggon, kayata ing militer utawa sekolahan, bisa nyepetake sumebaring penyakit ki. Bibit penyakit sing wis garing lan tinemu ing lebu ora bisa njalari wong lara. Bibit teles, kaya ta sing tinemu ing sikat untu, bisa marahi wong lara nganti sasuwene 15 dina. Bibit-bibit penyakit iki bisa urip ing pangan senajan arang kedadeyane, lan bisa nyebabake lara marang wong sing mangan pangan mau.Rolas persen bocah sing ora nuduhake gejala lara gorokan iki nggawa bibit GAS ing gorokane.

Artikel Sabanjuré