Wikipédia:Artikel pilihan/2011 02
Aksara Bali iku Aksara tradhisional masarakat Bali lan tuwuh ing Bali. Aksara Bali arupa sawijining aksara abugida sing asal saka Aksara Pallawa. Aksara iki mèmper karo aksara Jawa. Prabédané dumunung ing lekukan wangun Aksara.
Aksara Bali cacahé 47 karakter, 14 ing antarané arupa aksara swara utawa vokal. Aksara wyanjana utawa aksara konsonan cacahé 33 karakter. Aksara wyanjana Bali sing biasa dipigunakaké cacahé 18 karakter. Uga ana aksara wyanjana Kawi sing dipigunakaké ing tembung-tembung tinamtu, utamané tembung-tembung sing dipengaruhi Basa Kawi lan Sangskerta.
Senadyan ana aksara wyanjana Kawi sing isi intonasi nada tinamtu, pangucapané kerep disetarakan karo aksara wyanjana Bali. Umpamané, aksara dirgha (pangucapan dawa) sing kuduné diwaca dawa, kerep diwaca kaya aksara hresua (pangucapan cendhak).