Wikipédia:Artikel pilihan/2007 10

Saka Wikipédia Jawa, bauwarna mardika basa Jawa
Bangunan Utama Candhi Sukuh
Bangunan Utama Candhi Sukuh

Candhi Sukuh punika salah satunggiling komplèks candhi agami Hindhu ingkang papanipun wonten ing Kabupaten Karanganyar, eks Karesidenan Surakarta, Jawi Tengah. Candhi puniki saged dipungolongaken candhi Hindhu awit wonten mriki dipunpanggihaken obyèk pepujèn lingga lan yoni. Candhi puniki dipunanggep kontrovèrsial awit rupinipun ingkang limrah kaliyan awit kathahipun obyèk-obyèk lingga lan yoni ingkang nglambangaken seksualitas.

Situs candhi Sukuh dipunpanggihaken malih nalika jaman pamaréntahan Britania Raya ing Tanah Jawi ing angkaning warsa 1815 déning Johnson, Residhen Surakarta. Johnson kala punika dipuntugasi déning Thomas Stanford Raffles kanggé nglumpukaken dhata-dhata kanggé nyerat bukunipun The History of Java. Lajeng sasampunipun mangsa pamaréntahan Britania Raya sampun bibar, ing taun 1842, Van der Vlis, ingkang gadhah warganegari Walandi ngwontenaken panlitèn. Lajeng ing taun 1928, pamugaran dipunwiwiti. Salajengipun ...