Wikipédia:Tembung silihan

Kaca iki minangka kaca jujugan manawa panjenengan nemoni tembung-tembung manca kang durung ana cara Jawané ing bausastra-bausastra Jawa. Ing kaca iki panjenengan katuntun supaya bisa njawakaké tembung-tembung mau miturut fonologi basa Jawa.

Miturut aturan ing Pedoman Umum: Ejaan Bahasa Jawa Huruf Latin yang Disempurnakan, tembung manca bisa kalebokaké ing basa Jawa kanthi 2 cara.

(1) Kalarasaké marang éjaan basa Jawa

Conto: riset, turné, aki, persèn, amatir

(2) Kasilih wutuh (tanpa ngowahi éjaan asliné), nanging katulis miring

Conto: make up, drop out, headphone

Paugeran ngréka tembung

Ing Wikipédia Jawa, tembung manca kang durung ana cara Jawané bisa kajawakaké kanthi cara ngréka tembung anyar saka tembung-tembung kang wis ana ing basa Jawa, Jawa Kuna, utawa Sangsekreta.

• autoreview (Ing.) dadi swapriksa
• bookmark (Ing.) dadi tenger buku
• casefire (Ing.) / gencatan senjata (Ind.) dadi sèlèh gegaman
• namespace (Ing.) dadi mandala aran
• privacy (Ing.) dadi pangayoman dhiri
• suicide bombing (Ing.) / bom bunuh diri (Ind.) dadi bom nganyut tuwuh

Paugeran njupuk tembung

Tembung manca uga bisa kajawakaké kanthi cara njupuk tembung saka basa Jawa Kuna utawa Sangsekerta banjur kalarasaké ing éjaan basa Jawa.

• Bangladesh (Ing.) dadi Banggaladésa
• hydrophobia (Ing.) dadi jalatrasa
• military strategy (Ing.) dadi kartisampéka