Wikipédia:Nyuplik sumber

Sidhatan:

Artikel iki minangka paugeran gaya panulisan, njlèntrèhaké cara nulis sumber kutipan jroning artikel. Mènèhi sumber referensi suntingan kuwi sawijining syarat miturut kawicaksanan Wikipedia. Bab iki maknané, kabèh tulisan kang dadi pasulayan lan ora duwé sumber referensi kang maton, olèh dibusak déning sapa waé. Delengen uga paugeran carané ngayahi bab iki ana ing Wikipedia basa Inggris.

Artikel-artikel ing Wikipedia kudu dikanthèni rujukan/referensi kang bisa dipercaya. Bahan-bahan jroning artikel ora olèh isi tulisan kang durung naté dipacak sadurungé déning sumber kang bisa dipercaya. Iki klebu teori, data, pranyatan, konsep, argumentasi, lan werna-werna bab kang arupa interpretasi pribadi lan durung ditampa kalangan ahli jroning babagan kuwi.

Kena apa sumber diperlokaké

Supaya panganggo bisa éntuk katrangan tambahan kang pinercaya bab topik kasebut
Masthèkaké isi artikel pinercaya lan bisa dipriksa panganggo/panyunting liyané
Ngurangi kadadéyan pasulayan ing antarané para panyunting
Ngéndhani klaim plagiarisme
Nuduhaké yèn suntingan panganggo dudu riset asli
Mbiyantu panganggo nemokaké sumber tambahan bab topik kang dibahas

Cathetan: Artikel Wikipedia ora bisa dianggo minangka sumber kanggo artikel Wikipedia liyané

Delengen uga

Artikel iki minangka artikel rintisan. Kowé bisa ngéwangi Wikipédia ngembangaké.