Wikipédia:Artikel pilihan/2012 06
Bebungah Sastra Rancagé iku bebungah sing dianugerahaké marang sastrawan sing nulis jroning basa-basa ibu, wiwit taun 1989. Wiwitané bebungah iki mung kaparingaké marang sastra basa Sundha waé, nanging wiwit taun 1994 uga kaparingaké marang basa Jawa, lan taun 1998 kaparingaké marang sastrawan basa Jawa, basa Sundha lan sastra basa Bali. Taun 2008 wiwit sumrambah manèh malah nganti tumeka sastra basa Lampung. Wiwit tahun 1990, bebungah dipérang dadi rong kategori, yaiku kanggo karya kang kababar arupa buku lan jasa (tumrap wong utawa lembaga) kang duwé jasa marang basa lan sastra. Déné wacan bocah basa Sundha wiwit diwènèhaké taun 1993 kanthi jeneng Hadiah Samsudi. Sabanjuré...