Wikipédia:Artikel pethingan/Slot/Alexis Tsipras

Saka Wikipédia Jawa, bauwarna mardika basa Jawa
Tsipras ing taun 2015
Tsipras ing taun 2015

Alexis Tsipras (Yunani: Αλέξης Τσίπρας; lair 28 Juli 1974) iku pulitisi Yunani kang lungguh minangka Nayakotama Yunani kawit 2015 nganti 2019. Minangka wong sosialis, Tsipras dadi pangarepé parté pulitik Yunani aran SYRIZA kawit 2009. Tsipras lair ing Athína ing 1974. Dhèwèké mlebu Kanoman Kuminis Yunani ing wekasané dasawarsa 1980. Ing wiwitané dasawarsa 1990, dhèwèké giyat ing jagat pulitik mligi minangka juru wicara ing protès-protès kang nulak rancangan owah-owahan gedhèn-gedhèn tumrap pangajaran. Dhèwèké nyinau tèhnik sipil ing Universitas Tèhnik Kabangsan Athína, lulus ing 2000, lan nerusaké sarjana ing babagan tata kutha lan wewengkon. Dhèwèké nyambut gawé minangka insinyur sipil ing indhustri yeyasan kang kapernah ing Athína. Ing Januwari 2015, SYRIZA kanthi dipandhégani Tsipras menangaké pilihan umum lègislatif. Minangka Nayakotama, dhèwèké ngawasi rundhingan bab krisis utangé Pepréntahan Yunani. Ing 2015, dhèwèké dipilih kalawarta TIME minangka salah siji saka 100 wong kang banget mrabawani ing jagat. (Waca candhaké)