What Women Want

Saka Wikipédia Jawa, bauwarna bébas abasa Jawa
What Women Want
Whatwomenwant.jpg
Theatrical release poster
Disutradarani Nancy Meyers
Diprodhuseri
Ditulis déning
Dibintangi
Dimusiki Alan Silvestri
Sinématografi Dean Cundey
Dibesut déning Thomas J. Nordberg
Stephen A. Rotter
Carol Littleton
Perusahaan
prodhuksi
Dibabar déning Paramount Pictures
Tanggal metu
  • 15 Dhésèmber 2000 (2000-12-15)
Suwéné
127 menit
Nagara Amérika Sarékat
Basa Basa Inggris
Rantaman $70 yuta[1]
Kalarisan $374,111,707 yuta [1]

What Women Want inggih punika filem sandhiwara romantis kemidhi fantasi saking Amérika Sarékat ingkang kadamel ing taun 2000. Filem punika dipunsutradarani Nancy Meyers, adhedhasar skénario anggitanipun Josh Goldsmith, Cathy Yuspa, lan Diane Drake. Ingkang maragani filem kanthi wragad $70 yuta, punika antawisipun Mel Gibson lan Helen Hunt. What Women Want dipunbabar kanthi sesarengan ing tanggal 15 Dhésèmber 2000 déning Paramount Pictures, lan kalebet filem ingkang suksès miturut box office, kanthi ngempalaken arta dumugi US$182,811,707 saking salebetipun nagari, lan $374,111,707 gunggung sadonya. Kaca pambiji Rotten Tomatoes maringi biji dhumateng filem punika angka 54%, adhedhasar pratélanipun 121 juru kritik, kanthi rata-rata karemenan ngancik angka 5.7 dumugi 10.[2]

Ingkang maragani[besut | besut sumber]

Latar wingking[besut | besut sumber]

Awit saking kaprigelanipun maragani minangka Nick Marshall, Gibson mlebet nominasi wonten Golden Globe Award lumantar Kategori Juru Paraga Paling Sae – Motion Picture Musical or Comedy lan Blockbuster Entertainment Award lumantar Kategori Paraga Paling Dipunremeni - Comedy/Romance. Hunt salajengipun nampi bebungah lumantar kategori Juru Paraga Wanita Paling Dipunremeni - Kumedhi Romantis, sawatawis Mark Feuerstein lan Marisa Tomei kekalihipun sami mlebet nominasi lumantar kategori Juru Paraga Panyengkuyung Paling Sae. Filem punika ugi nglumantaraken Tomei nampi bebungah Satellite Award ing katégor Juru Paraga Wanita Panyengkuyung Paling Sae – Motion Picture, wondéné Ashley Johnson mlebet nominasi wonten Bebungah Kagem Seniman Nèm.

Awit saking pakaryanipun awujud musik pangiring filem, juru musik Alan Silvestri nampi bebungah ASCAP Award for Top Box Office Films, mlebet nominasi wonten Saturn Award ing kategori "Filem Fantasi Paling Sae" saking Academy of Science Fiction, Fantasy & Horror Films, USA. Filem punika ugi nampi bebungah saking Bogey Award wonten Platin saking Bogey Awards, Germany. Ugi mlebet nominasi lumntar kétegori Pamilihan Paraga Paling SAe, Kumedhi saking The Casting Society of America, USA. Golden Screen Award ingkang dipuncakaken wonten Jerman ugi maringi bebungah dhumateng filem punika.

Ing taun 2009 kaca Pajiba ngemot satunggal artikel ingkang mratélakaken bilih juru damel lan panganggit skénario Peter Chiarelli saweg nyawisaken panyeratan kagem filem candhakan saking What Men Want.[3] Piyambakipun ugi ngendika bilih Cameron Diaz badhé kadhapuk minangka juru paraga wanita utama.[4] Dumugi taun 2015 dèrèng wonten pawartos malih ngéngingi rancangan proyek filem punika.

Setunggalipun filem damelan ambal filem punika saking Tiongkok, dipunsutradarani Chen Daming, kanthi juru paraga Andy Lau lan Gong Li dipunbabar ing taun 2011.[5]

Rujukan[besut | besut sumber]

  1. ^ a b "What Women Want (2000)". Box Office Mojo. Dijupuk November 9, 2012. 
  2. ^ http://www.rottentomatoes.com/m/what_women_want/
  3. ^ Rowles, Dustin. "Pajiba Exclusive: The Second Biggest Rom-Com of All Time Gets a Sequel". Pajiba. Dijupuk 21 October 2015. 
  4. ^ Tyler, Josh. "Cameron Diaz Remaking Mel Gibson's What Women Want?". Cinema Blend. Dijupuk 21 October 2015. 
  5. ^ "What Women Want (我知女人心)". Film Business Asia. March 1, 2011. Dijupuk March 2, 2011. 

Pranala njawi[besut | besut sumber]