Wayang Pancasila

Saka Wikipédia Jawa, bauwarna bébas abasa Jawa
muséum wayang, jalan Fatahilah Jakarta

Wayang Pancasila iku carita wayang kang persis karo wayang purwa kang bedakaké mung lakon-lakoné, ning wayang Pancasila lakoné pejuang-pejuang bangsa Indonésia caritané uga bab perjuangan Bangsa Indonésia[1]. Wayang modern iki kacipta merga wayang-wayang purwa, madya lan gedhog ora bisa menuhi kaperluan masyarakat, khususé kaperluan komunikasi[2]. Mula iku kacipta wayang modern-modern liyan kanggo njangkepi faktor-fakttor panglancar komunikasi ning masyarakat, kayata wayang wahana (1920), wayang kancil(1925), wayang wahyu (1960), wayang dobel, wayang sejati (1972), wayang budha lan wayang sadat (1985)[2].

Wujudé Wayang Pancasila[besut | besut sumber]

Wujud wahana wayang iki isa diomong padha karo wayang purwa, saora-orané meh padha persis karo wayang wahana atawa wayang suluh[3] .Wayang iki diciptakaké déning Suharsana Hadisusena (pegawé Kamentrian Penerangan kang ana ning kutha Yogyakarta) watara taun 1950-an[1]. Paraga wayang pancasila iku modifikasi saka rupané lakon-lakon wayang kulit purwa, lakon kasatria saka wayang pancasila rupané dipadakaké karo lakon-lakon panjajah lan para pejuang, karo klambi ijo kanggo para lakon-lakon wayang kulit purwa kayata Bima lan Arjuna, wayang pancasila iki ditambahi bedil lan ora lali ana bintang pangkaté uga[1]. Dinggoni klambi, kathok dawa lan nganggo peci tentara[4] . Saka segi kaendahan seni kriya, peraga wayang pancasila kaya-kaya ngrusak kaendahan wayang kulit purwa[1]. Wayang pancasila kago;ong wayang kontemporer, padha kaya wayang revolusi, wayang sadat lan wayang pandu.[5] macem-macemé wayang kontemporer, kang anduwèni sejarah lan tokoh kang beda-beda.[5] Jeneng-jeneng lakon kang ana ning wayang pancasila uga anduwèni arti kang ngambaraké sapa tokoh iku, kayata tokoh Jendral Spoor, panglima panjajah Walanda[1]. Uga dibeber kanggo nyeritakaké carita-carita paristiwa Kamardikan Républik Indonésia kanti tujuan menehi "penerangan" bab filsafat Pancasila, UUD sarta GBHN [4] . Ana ning wayang Pancasila Jendral iku anduwèni celukan Senapati Rata Dahana, kang artiné Rata iku kereta api, lan dahana iku geni. kaya tembung celukan spoor iku pada karo sepur[1].

Karana wayang pancasila iki akèh carita perang, nuli kurang apik manawa dadi tontonan, wayang pancasila iki ora maju.[1] Watara taun 1951 wayang ora tau dibeber manèh.[1]

Delengna Uga[besut | besut sumber]

Cathetan suku[besut | besut sumber]

  1. ^ a b c d e f g h (id)www.pdwi.org dipununduh tanggal 28 April 2011, jam 04.50 WIB
  2. ^ a b RAGAM WAYANG DINUSANTARA dipununduh tanggal 11 April 2011, tabuh 23.09 WIB
  3. ^ jinis wayang Indonésia dipununduh tanggal 11 April 2011, tabuh 21.49 WIB
  4. ^ a b SMK PEDALANGAN kls 10, hlm.52 dipununduh tanggal 11 April 2011 tabuh 21.32 WIB
  5. ^ a b koran TEMPO dipununduh tanggal 11 April 2011, tabuh 21.05 WIB
Sumber artikel punika saking kaca situs web: "https://jv.wikipedia.org/w/index.php?title=Wayang_Pancasila&oldid=1075228"